အပိုင်း (၈) ပေါ်ပီပင် တိုးချဲ့ စိုက်ပျိုးရခြင်းအကြောင်း ၀ တို့ရဲ့ စကား
အနောက်တိုင်းသားတို့၊ ယန်းကီးတို့။ အလကားနေ ခင်ဗျားတို့ လေပဲ လယ်နေကြတာကိုးဗျ။ ၀ ပြည်နယ် အစိုးရနဲ့ စစ်သေနာပတိချုပ် ပေါင့်ယို့ရှန်တို့က တကမ္ဘာလုံးကို စောစောကတည်းက ကတိစကား ပြောခဲ့ပြီလေဗျာ။ ၂၀၀၅ ခုနှစ် နောက်ပိုင်း ၀ ပြည်နယ် အတွင်းမှာ မူးယစ်ဆေး နည်းနည်းလေးလောက်ကို တွေ့ရှိမယ်၊ မျိုးစေ့လေး တစေ့လောက်ကို တွေ့တာနဲ့ စစ်ဦးစီးချုပ် ပေါင့်ရဲ့ ဦးခေါင်းကို ဖြတ်ပြီး မြန်မာအစိုးရကို သွားပြလိုက်ပါ။ အခု ၂၀၀၅ ခုနှစ် ရောက်ဖို့ ၂ နှစ် လိုပါသေးတယ်။ ဘိန်းစိုက်တောင်သူတွေ တွေးနေကြတာက နောက် ၂ နှစ် ဆိုရင် ဘိန်းကို လုံးဝ စိုက်လို့ရမှာ မဟုတ်တော့တဲ့အတွက် အခုအချိန်မှာ စိုက်တာက ဆန့်ကျင်တာမျိုး မဟုတ်ဘဲ ပုံမှန် အနေအထား လို့ပဲ သဘောထားကြပါတယ်။
x x x x x
ဝပြည်နယ် နံပါတ် ၄ ခေါင်းဆောင် ဗိုလ်ချုပ် ကျောက်ဝံကွမ်းက သတင်းထောက်အဖွဲ့နဲ့ လက်ခံတွေ့ဆုံဖို့ကို သဘောတူ လက်ခံလိုက်ပါတယ်။ ကျောက်ဝံကွမ်းအသက်က အခု ၅၄ နှစ်ပါ။ တရုတ်ပြည်က ပညာတတ်လူငယ်။ ကမ္ဘာ့တော်လှန်ရေးကို အထောက်အကူပေးမယ် ဆိုတဲ့ ရဲဘော်ချေဂွေဗားရားရဲ့ အနီရောင်လျှမ်းတဲ့ အတွေးအခေါ်ကို ရင်မှာ ပိုက်ပြီး ၁၉၆၉ ခုနှစ် အသက် ၂၀ မှာ မြန်မာပြည် မြောက်ပိုင်းဆီ ရောက်လာပြီး ဗမာပြည်ကွန်မြူနစ်ပါတီ အရှေ့မြောက်ဒေသ လက်နက်ကိုင် အဖွဲ့ထဲ ၀င်လိုက်ပါတယ်။ တပ်စိတ်မှူး၊ တပ်စုမှူး တောက်လျှောက် ဖြစ်ပြီး တပ်မဟာမှူး က တဖန် အမှတ် ၂၁၄ တပ်မမှူး တက်ဖြစ်ပါတယ်။ သူဟာ ၁၉၉၀-၁၉၉၆ ၀ပြည်နယ် ညွန့်ပေါင်းတပ်ဖွဲ့ထဲကနေ ခွန်ဆာနဲ့တိုက်ကြခိုက်ကြတဲ့ နောက်ပိုင်းမှာ ရှေ့တန်းတပ်ခွဲ နိုင်ငံရေးမှူး ဖြစ်နေပါတယ်။
ကျောက်ဝံကွမ်းက ၀ပြည်နယ် အဖွဲ့အစည်းအကြောင်း ပြောပြပါတယ်။ ၀ ပြည်နယ်ရဲ့ အဖွဲ့အစည်းပေါင်းစုံထဲမှာ အများစုက တရုတ်ပြည် သွားပြီး ရေးရာ အသီးသီးကို တက်ရောက် သင်ကြားပါတယ်။ ဥပမာ ပြည်သူ့လုံခြုံရေးစခန်း၊ ပြည်သူ့ရဲတပ်ဖွဲ့၊ စစ်ရေး နိုင်ငံရေး အတွေးအခေါ်ပိုင်း အားလုံးက တရုတ်ပြည်ပုံစံပါ။ ပါတီက တပ်ကို ညွှန်ကြားရမယ်လို့ ချမှတ်ပြီး ဗကပ ကနေ ထွက်လာတာပါပဲ။ ထွက်လာတာနဲ့ ၀ပြည်နယ် ညွန့်ပေါင်းတပ်ကို ဖွဲ့စည်း တည်ထောင်လိုက်တယ်။ ကျောက်ဝံကွမ်းက အုပ်ချုပ်ရေး အာဏာကို ကိုင်ထားပါတယ်။ သူ ဒီအာဏာကို ကိုင်တွယ်ထားပေမယ့်လည်း တရုတ်က စီမံကိန်းနဲ့ ကလေးမွေးဖွားရမယ့် စနစ်ကို လက်မခံပါ။ လက်မခံတဲ့အကြောင်းရင်းက ဘာလဲ ဆိုရင် နှစ်ကာလ ရှည်ကြာလာတဲ့ တိုက်ပွဲတွေကြောင့် လူဦးရေ တအားကို လျော့ပါးသွားတယ်။ ကနေ့ ၀ပြည်နယ် ၅၈ ရာခိုင်နှုန်းရဲ့ နယ်မြေဒေသမှာ ပေါ်ပီပင် စိုက်ပျိုးမှုကို လုံးဝ ပိတ်ပင် တားမြစ်ထးတယ်။ ၀ပြည်နယ်အစိုးရက နိုင်ငံတကာကို ကတိပေးဖူးတယ် “၂၀၀၅ မှာ ၀ နယ်နိမိတ်အတွင်း မူးယစ်ဆေး လုံးဝ ကင်းရှင်းစေရမယ် (အမြစ်ပြတ်စေရမယ်)” ကျောက်ဝံကွမ်းက ၀ပြည်နယ်အစိုးရ ကိုယ်စားလှယ် အနေနဲ့ တရုတ် သတင်းထောက်အဖွဲ့ကို ကြိုဆို ဧည့်ခံပါတယ်။ ဒါ့အပြင် သူက ၀ပြည်နယ်မှာ မူးယစ်ဆေး ပြဿနာ ရှိနေသေးတယ် ဆိုတာကို မငြင်းပါဘူး။ ဒါပေမယ့် သတင်းထောက်တွေကတဆင့် ကမ္ဘာကို ၀ပြည်သူရဲ့နှလုံးသားအသံကို ပြန့်စေလိုပါတယ် - “ကျနော်တို့ ခု တကယ့်ကို မူးယစ်ဆေးကို တိုက်ဖျက် နှိမ်နင်းလိုတဲ့ ဆန္ဒတွေ ရှိပါတယ်။ တကယ့် စစ်မှန်တဲ့ ၀ပြည်နယ်သားတယောက်ရဲ့ သဏ္ဌာန်ကို ကမ္ဘာသူကမ္ဘာသားတွေ သိမြင်စေချင်ပါတယ်ဗျာ”
သတင်းထောက်မေး - မူလဇစ်မြစ်က ခင်ဗျားဟာ ယူနန်ပြည်နယ်သား ပညာတတ် လူငယ်ရယ်လို့ ကြားသိရပါတယ်။ ဘယ်ကနေ ရောက်လာတာလဲခင်ဗျာ။ ဗကပရဲ့ မူလက အဆင့်မြင့် လက်နက်ကိုင် ခေါင်းဆောင်လည်း ဖြစ်ခဲ့တယ်။ ခင်ဗျားတို့ အဲ ဟိုတုန်းက ဗကပ နဲ့ ဘယ့်နှယ်ကြောင့် ကွဲပြဲကြတာလဲ။ ခင်ဗျားတို့ ဘာကြောင့် ခွန်ဆာကို တိုက်ကြတာလဲ။
ကျောက်ဝံကွမ်း တိုတိုပဲ ဖြေပါတယ် - “ကျနော် ယူနန် လိန်ချန်းဒေသ ချွန်း-ခရိုင်သားပါ။ ၁၉၆၉ ခုနှစ်က ဒီကို ရောက်လာတာပါ။ အဲဒီတုန်းက အထက်တန်း (မြန်မာပြည်ပညာရေးစနစ် ၁၀ တန်း) ကျောင်းပြီးခါစ အချိန် ပေါ့ဗျာ။ အလုပ် ဆိုလို့ ဘာကို လုပ်ရကိုင်ရမှန်း ရှာမတွေ့ဘူးလေ။ နောက်ပြီး ကျနော်တို့ တရုတ်ပြည်တွင်းက ကြာလေ ဆိုးရွားလေ လေပြင်းထန်လေ ဖြစ်နေတဲ့ နိုင်ငံရေး အရေးတော်ပုံကိုလည်း စက်ဆုပ် ရွံရှာလွန်းတယ်ဗျာ။ နောက်ပြီး ခန္ဓာကိုယ် တခုလုံးကို တကမ္ဘာလုံးက အနီရောင် တော်လှန်ရေးထဲ နှစ်မြှုပ်ပစ်ချင်တဲ့ စိတ်ဆန္ဒတွေက ပြင်းထန်နေတယ်လေဗျ။ ဒီတော့ မြန်မာပြည်မြောက်ပိုင်းဆီ ထွက်လာပြီး ဗမာပြည်ကွန်မြူနစ်ပါတီ အရှေ့မြောက်ပိုင်းနယ်ရဲ့ ပြောက်ကျားတပ်ဖွဲ့ထဲ ၀င်လိုက်ပါတယ်။ ၁၉၈၉ ခုနှစ်မှာ ၀ ညွန့်ပေါင်းတပ်ဖွဲ့က ဗကပ ကနေ ခွဲထွက်လိုက်တယ်။ ကျနော်က ၂၁၄ တပ်မရဲ့ တပ်မမှူးပေါ့ဗျာ။ ဗကပ ပြိုကွဲပျက်စီးသွားရတဲ့ အကြောင်းကို ပြန်သုံးသပ်ရမယ် ဆိုရင် နိုင်ငံရေးပိုင်းမှာ လက်ဝဲ အစွန်းရောက်လွန်းတယ်။ စစ်ရေးမှာ စွန့်စားမှုကို ကျင့်သုံးတယ်။ ဖွဲ့စည်းမှုမှာ ဂိုဏ်းဂဏ၀ါဒ ဖြစ်နေတယ်။ နောက်ဆုံးတော့ တစိတ်တ၀မ်းတည်း ဖြစ်မနေကြတော့ဘူး။ ဒါကြောင့် ကျနော်တို့ ခွဲထွက်လိုက်တယ်”
“ခွန်ဆာ့ရဲ့ တပ်ဖွဲ့စည်းမှုက အင်မတန် ကောင်းတာဗျ။ သေနတ်ကလည်း အမေရိကန်လုပ် M16တွေဗျ။ သူတို့ တောင်ထိပ်မှာ စောင့်နေတယ်။ ကျနော်တို့ အတင်း တက်တိုက်တယ်. တိုက်ရ သိပ်ခက်တာဗျ။ စစ်တိုက်တာကို ကျနော်တို့ မကြောက်ဘူးနော်။ ၀ တိုင်းရင်းသား တပ်ဖွဲ့က သေမှာ ကြောက်တာ မဟုတ်ဘူး။ ကျနော်တို့ အရွံမုန်းဆုံးကတော့ဗျာ ထိုင်းမြန်မာ နယ်နိမိတ်မှာ မြေမြှုပ်မိုင်းတွေက တယ်လည်း ပေါတာကိုး။ အဲ - ဟိုနေရာတွေဟာ ကမ္ဘာမှာ မိုင်းအများဆုံး မြှုပ်ထားတဲ့ နေရာဖြစ်လိမ့်မယ်။ ဒါပေမယ့် ကျနော်တို့မှာ အမြောက်တွေက အများကြီး ရှိနေတာ။ အချိုးအရ ဆိုရင် ရှစ်ချိုးတချိုးပေါ့ဗျာ။ ခုခေတ် စစ်ဖြစ်တာမှာ အမြောက်က နံပါတ် ၁ နေရာမှာဗျနော်။ ဒါကြောင့် ကျနော်တို့ကို ဘယ် ယှဉ်သားမလဲဗျာ။ ခွန်ဆာကို တိုက်တုန်းက လီကျုလူက ဒုတိယ တပ်မှူးချုပ်။ ကျနော်က စစ်ဦးစီးမှူး။ နောက်ပိုင်းတွေမှာ ကျနော်က ရှေ့တန်း ညွှန်ကြားရေးမှူးချုပ် ဖြစ်တယ်”
“ခွန်ဆာ လက်နက်ချရတဲ့ အကြောင်းရင်းတွေထဲက တခုက သူ နိုင်ငံတကာ လူမှုအဖွဲ့အစည်းတွေရဲ့ ဖိအားကို အတော် ခံနေရတာ။ မြန်မာအစိုးရရဲ့ ဖိအားလည်းပဲ လူးလှိမ့် ခံနေရတယ်။ ၀ ညွန့်ပေါင်းတပ်ဖွဲ့ကပါ ထိုးစစ်ဆင်နေတယ်ဗျာ။ ၀ တပ်ဖွဲ့ တပ်သားပေါင်း တထောင်ကျော် သေကြေ အနာတရ အဖြစ်ခံပြီး ခွန်ဆာ့ပိုင်နက်ကို အရ တိုက်ရတာဖြစ်တယ်။ ဒီတိုက်ပွဲကနေ နယ်မြေဒေသ ၇၀ ရာခိုင်နှုန်းကျော် ပိုင်နက်နယ်မြေ တိုးလာရတယ်။ ကျနော်တို့ ခွန်ဆာ့လက်ထဲက အပိုင် သိမ်းပိုက်လိုက်တဲ့ နယ်မြေက ထိုင်းနဲ့မြန်မာ ဆက်စပ်နေတဲ့ နယ်စပ်ဒေသ ဖြစ်တယ်။ မုန်းယွမ်၊ ၀မ့်ဟုန်၊ မုန်းဟိုပန်၊ မုန်းထားလန် အစရှိတဲ့ နယ်မြေတွေ ဖြစ်တယ်”
ကျောက်ဝံကွမ်းရဲ့ မိတ်ဖွဲ့စကားအရ သိလိုက်ရတာက - ၁၉၉၉-၂၀၀၀ ခုနှစ်တွေမှာ ၀ အဖွဲ့က မြောက်ဘက် တောင်တန်းကနေ ၀ တောင်တန်းသား လေးသောင်းဟာ ခွန်ဆာ့လက်ထဲကနေ တိုက်ယူလာတဲ့ တောင်ပိုင်း နယ်မြေဒေသဆီကို ရွှေ့ပြောင်းလာကြပါတယ်။ ခုတကြိမ် ရွှေ့ပြောင်းတာက ရှေးဦးဆုံး ရည်ရွယ်ချက်က စစ်ရေး မဟာဗျူဟာအရ ဖြစ်ပါတယ်။ ကျောက်ဝံကွမ်းက ပြောပါတယ် “တောင်ပိုင်းနယ်မြေဒေသက လူနည်းစု တိုင်းရင်းသားတွေ ဥပမာ လားဟူ တိုင်းရင်းသား အစရှိသူတွေက တယ်ပြီး မကြေမချမ်း ဖြစ်နေကြတာ။ တလျှောက်လုံး လက်နက်ကိုင်ပြီး ပြန်တွန်းလှန်ကြတယ်။ တောင်ပိုင်းနယ်က ၀ပြည် မူလ ထိန်းချုပ်ထားတာနဲ့ တဆက်တည်း ဖြစ်နေတယ်။ ဒါတွေဟာ ကြားမှာ ကီလိုမီတာ ရာချီတဲ့ မြန်မာအစိုးရတပ် စိုးမိုးတဲ့နယ်မြေက ခြားထားနေတယ်လေ။ လူတွေ အရွှေ့အပြောင်း မလုပ်ရင် ရေရှည် ထိန်းချုပ်ထားနိုင်မှာ မဟုတ်ပါ။ နောက် ရည်ရွယ်ချက်တခုကလည်း ရှိနေပြန်ပါသေးတယ်။ ဒါကတော့ တောင်တန်းကြီးတွေပေါ်က ဘိန်းစိုက်တောင်သူတွေ မြေပြန့်တွေဆီ ရွှေ့ပြောင်းခိုင်းလိုက်တာကြောင့် ဘိန်းစိုက်တောင်သူဘ၀ကနေပြီး တကယ့် စိုက်ပျိုးမွေးမြူရေး လုပ်တတ်တဲ့ တောင်သူလယ်သမားတွေ ဖြစ်လို့သွားရောဗျ”
ကျောက်ဝံကွမ်းက ပြောပြန်တယ် - “တောင်ပိုင်း ရွှေ့ပြောင်းတဲ့ အလုပ်ကို ကျနော်တို့ တာဝန်ယူရပါတယ်။ ဒါက အတင်းအဓမ္မ လုပ်ရတဲ့ အလုပ်မျိုးနော်။ တလမ်းလုံး ခုန်ဆင်းတာ၊ ထွက်ပြေးတာ၊ ဖျားနာ သေတာ၊ ကားမှောက်တာ၊ ရေမြေကျင့်သား မရသေးတာ - - - - - - တောင်သူတွေ တကယ့်ကို သေကြပါတယ်။ လူ လေးသောင်းကျော် ပြောင်းတာမှာ တထောင်လောက် လျော့ပါးသွားတယ်။ ဒါပေမယ့် အခုတော့ ကောင်းသွားပြီ။ သူတို့ စိုက်ပျိုးရလာတဲ့ ကောက်ပဲသီးနှံတွေ စာလို့ မကုန်ကြပါဘူး။ မွေးမြူရေး ၀က်၊ နွား၊ ဆိတ်တို့လည်း တိုးလာလိုက်တာ အများကြီးပါပဲ။ အရင်ကဆို ဘိန်းစိုက်လို့ မကြီးပွားနိုင်ပါခင်ဗျာ။ တအိမ်ထောင်လုံး ၀ိုင်းဝန်း စိုက်ပျိုးကြမှ ဘိန်းပိဿာ နည်းနည်းလေးပဲ ရမယ်။ ဒီဘိန်းနဲ့ တနှစ်ပတ်လုံး စားသုံးမယ့် စားနပ်ရိက္ခာရဖို့ ငွေကလေး နည်းနည်းနဲ့ပဲ အလဲအလှယ် လုပ်လိုက်ရတယ်”
ကျောက်ဝံကွမ်းက စိတ်ပါလက်ပါနဲ့ ပြောလိုက်ပြန်တယ် - “၀အဖွဲ့အစည်းက တောင်တန်း အမြင့်မှာ နေကြသူတွေပါ။ လယ်ယာ သီးနှံ စိုက်ပျိုးပြီး နေတတ်သူ မဟုတ်ပါ။ နှစ်ကာလ တရာကျော်လုံး ပေါ်ပီ စိုက်ပျိုးပြီး အသက်မွေးခဲ့ရတဲ့သူတွေ ဖြစ်ကြတယ်။ အားလုံး စုစုပေါင်း နှစ် တရာ ကျော်လာပြီနော်။ ၀ လူမျိုးတွေ ဘာကြောင့်များ ဒါလောက် ခေတ်နောက်ကျကျန်ခဲ့ရတာလဲ။ ဘိန်းထပ်စိုက်နေလို့ ဘယ်နှယ်လုပ်ပြီး ထွက်ပေါက်လမ်းဆီ ရောက်မလဲဗျ။ နောက်ပြီး ဒီ မူးယစ်ဆေးပြဿနာကြောင့် တကမ္ဘာလုံးရဲ့ ရန်သူ ဆက်ပြီး ဖြစ်နေလို့ မသင့်တော်ဘူးလေဗျ။ တကယ့်တကယ် ကြီးပွားချမ်းသာတာက မူးယစ်ဆေးကို ရောင်းဝယ်ဖောက်ကားကြတဲ့သူတွေပါ။ ကျနော်တို့ ကြာလေ ပိုပြီး သိလေသိလေပဲ။ ဘိန်းစိုက်ပျိုးမှုကနေ ၀ ပြည်နယ် ဒေသဟာ အပြည်ပြည်ဆိုင်ရာ ဆင်းရဲမွဲတေမှုကို ကူညီပံ့ပိုးပေးတဲ့ လောကထဲကို ၀င်ရောက်နိုင်ခွင့် မရှိဘူး ဆိုတဲ့ အချက်ကို ကျနော်တို့ သိမြင်လာပါတယ်။ ကျနော်တို့ရဲ့ ဌာန (၀ပြည် လယ်ယာ သစ်တော ရေ အသုံးချ ဌာန) ကို ၁၉၉၉ ဖေဖော်ဝါရီမှာ ဖွဲ့စည်းလိုက်တယ်။ ဒါဟာ ရည်မှန်ျးက်တခု (မူးယစ်ဆေး တိုက်ဖျက်နှိမ်နင်းရေး အခြားသီးနှံစိုက်ပျိုးရေး) လက်တွေ့ ပေါ်ပေါက်လာဖို့ ဖြစ်တယ်။ ဒီတကြိမ် လူနေမှု ရွှေ့ပြောင်းရေး စစ်ရေး မဟာဗျူဟာ အတွက် အထူးဒေသ အစိုးရက ပျမ်းမျှ လူတဦးချင်း အပေါ်မှာ ရင်မင်ဘီ ၁၀၀၀ ကျော်ကျော် သုံးစွဲထားပါတယ်။ စိုက်ပျိုးတဲ့ စပါးကောက်နှံ လယ်မြေ ဧကပေါင်း ၁၃၀၀ ကိုပါ ကျနော်တို့ ထုတ်ပြီး စိုက်ပျိုးကြပါတယ်။
ဒါပေမယ့် ကျောက်ဝံကွမ်းဟာ ခွန်ဆာနဲ့ စစ်ဖြစ်ရတဲ့ တခြား အရေးပါတဲ့ အကြောင်းရင်းကိုတော့ မပြောဘဲ ရှောင်လွဲထားပါတယ် - အဲဒါကတော့ ဘိန်းကုန်စည် ကူးသန်းရေး တောင်ပိုင်းလမ်း ဖောက်တဲ့ အကြောင်းပါပဲ။ ၀ပြည်နယ်တပ်နဲ့ ခွန်ဆာတို့ တိုက်ပွဲ အစပိုင်းမှာ မြန်မာအစိုးရ စစ်တပ်က လက်ဝင်မရှိုဘဲအမြိုင့်သား ဇိမ်ခံ ကြည့်နေတာပါ။ ၁၉၉၅ ခုနှစ် ရောက်ကာမှ ခွန်ဆာ့ကို ထိုးစစ်ဆင်ပြီး ၀ပြည်နယ် တပ်ဖွဲ့ကို အကြီးအကျယ် စစ်ကူတိုက်ပေးပါတယ်။ အဲဒီမှာ ခွန်ဆာ ခံလိုက်ရပါတယ်။ မြန်မာအစိုးရတပ်က ၀ ဘက်ကနေ ၀င်တိုက်ပေးတော့ ခွန်ဆာ့နယ်မြေတို့ကို သိမ်းပိုက် ရယူနိုင်လိုက်တယ်။ စောစောကတည်းက မြန်မာအစိုးရတပ် ၀င်မပါသေးတာက ၀ တပ်ဖွဲ့ အင်အား လျော့နည်းသွားအောင် စောင့်နေတာ ဖြစ်တယ်။ နောက်မှ ၀င်ပါတာကတော့ မျက်စိ စပါးမွေး စူးနေတဲ့ ခွန်ဆာ့ကို အမြစ်ကနေ လှန်ပစ်လိုက်ရေး ဆိုတဲ့ တချက်ခုတ် နှစ်ချက်ပြတ်တဲ့ နည်းဗျူဟာကို ကျင့်သုံးလိုက်ခြင်းပါပဲ။
ကျောက်ဝံကွမ်းရဲ့ လက်ထောက်လည်းဖြစ် လယ်ယာ၊ သစ်တော၊ ရေအသုံးချစိုက်ပျိုးရေးရုံး တာဝန်ခံ ကျိုးဝံကောင်းက ပြောပြတယ် - “၀ပြည်နယ်ရဲ့ ယနေ့အခြေအနေက သမိုင်းကို ကိုယ်စားပြုနေတယ်။ မူးယစ်ဆေး ပြဿနာရဲ့ အရင်းခံက ရှေးရှေးကတည်းက နှစ်တရာကျော်ကတည်းက အနောက်တိုင်း လူဖြူတွေ သယ်လာတဲ့ ပစ္စည်းတွေပါ။ ဒါ့အပြင် သေနတ်တွေ ပစ်ဖောက် အမြောက်တွေ ပစ်ဖောက်ပြီး သွင်းလာကြတာတွေ မဟုတ်ဘူးလားဗျ။ အင်္ဂလိပ်တွေလေ။ သူတို့ပဲ တရုတ်ပြည်နဲ့ ဘိန်းစစ်ကြီး ခင်းလိုက်တယ်လေဗျာ။ ၀ ပြည်နယ် ညွန့်ပေါင်းတပ်ဖွဲ့ကို အကြမ်းဖက်ဝါဒီ စာရင်းထဲ ထည့်သွင်းတဲ့ အမေရိကန်ကို ကျနော်တို့ အတော်လေး မေတ္တာပျက်တယ်ဗျာ။ အမေရိကန်တွေ ဂြိုဟ်တုကနေ တချက်ကလေး ကြည့်လိုက်တာနဲ့ ဒါဟာ ၀ပြည်နယ် မိုင်းဖြတ်၊ မိုင်ပေါ်က ဒီနွေဦးက စိုက်တဲ့ ဘိန်းခင်း ဧက ၅ ဆကျော် တက်သွားသတဲ့ဗျာ။ မတ်လတုန်းက ကုလသမဂ္ဂ မူးယစ်ဆေးဝါး တိုက်ဖျက် နှိမ်နင်းေ၇း ဗျူရိုက အသက်ခပ်ကြီးကြီး အနောက်တိုင်းသားတယောက် ကျနော်တို့ ၀ပြည်နယ်ဆီကို ရောက်လာပါတယ်။ ဒေါနဲ့မောနဲ့ ကျနော်တို့ကို ပြောတယ် - ခင်ဗျားတို့ တော်တော်ဆိုးတယ် တဲ့။ ကျနော်လည်း သူ့ကို ပြန်ပက်လိုက်တာပေါ့၊ ဒီမယ် မျက်နှာဖြူကြီး ၀ပြည်နယ်အစိုးရနဲ့ တပ်မှူးချုပ်ကြီး ပေါင့်ယို့ရှန် စောစောကတည်းက ကမ္ဘာကို ကတိစကား ပြောခဲ့တယ်ခင်ဗျ။ ဘာလဲ ဆိုတော့ ၂၀၀၅ နောက်ပိုင်း ၀ပြည်နယ် ဒေသမှာ မူးယစ်ဆေး တမှုန်တစ ရှိသေးတယ် ဘိန်းစေ့လေး တစေ့ ရှိနေသေးတယ် ဆိုရင် ကျုပ်တို့ ခေါင်းဆောင် ပေါင့်ယို့ရှန်ရဲ့ ခေါင်းကို ခုတ်ဖြတ်ပြီး မြန်မာအစိုးရကို သွားသာတွေ့လိုက်တော့ဗျာ။ အခု ၂၀၀၅ ရောက်ဖို့ ၂ နှစ် ကျန်သေးတယ်လေဗျာ။ တောင်သူတွေရဲ့ အတွေးတွေက နောက်ထပ် ၂ နှစ် ကျော်ရင် ဘိန်း ထပ်မစိုက်တော့ဘူးလေ။ ဒါကြောင့် ဒီကာလ အတွင်း စိုက်တာက ပုံမှန်တွေပဲ မဟုတ်လားဗျာ - - - - - - - ”
ကျိုးဝံကောင်း ယူဆထားတာက အဲဒီ အနောက်တိုင်းသား လူဖြူ အဘိုးအိုကြီးက အရှေ့တိုင်းသား တို့ရဲ့ အတွေးအမြင်ကို ဘာတခုမှ သိရှိတာ မဟုတ်တာပဲ။ ကျိုးဝံကောင်းရဲ့ အကြောင်းပြချက်က - “အခု စိုက်တယ်လေ။ ဒါက ၂၀၀၅ မူးယစ် ကင်းစင်ရေးကို သွားထိတာမှ မဟုတ်တာ။ ခင်ဗျားတို့ အဲ ဟိုအချိန်ကျရင် ကြည့်လိုက်။ ကျနော်တို့ ဘိန်းကို တားနိုင် မတားနိုင် ဆိုတာရယ်၊ စိုက်မစိုက် ဆိုတာရယ်။ စောင့်ကြည့်ပေါ့ဗျာ”
ကျောက်ဝံကွမ်း သက်သေ သက္ကာယတွေ ထုတ်ပြီး ပြောပါတယ်။ “ခွန်ဆာ အရင်တုန်းက ဘိန်း ကူးသန်းရောင်းဝယ်တာက အားလုံး ကျနော်တို့ဆီက ဘိန်းကို ၀ယ်သွားတယ်။ ကျနော်တို့ သူ့ကို ချတာက မူးယစ်ဆေးကို တိုက်ခိုက် နှိမ်နင်းပစ်ဖို့ပဲ။ ကျနော်တို့ဟာ ကမ္ဘာသူ ကမ္ဘာသားတွေနဲ့ မိတ်ဆွေ ဖွဲ့ချင်ကြတယ်။ ၁၉-၁-၂၀၀၅ နေ့က ခင်ဗျားတို့ ကွမ်ကျိုးမှာ ဟီးရိုးအင်း ၃၀၀ ကီလိုဂရမ်ကို ကျွန်းသစ်လုံး အခေါင်းပေါက်ထဲ သွင်းယူလာတဲ့ အမှုကြီးကို ဖမ်းမိတယ် မဟုတ်လားဗျ။ အဲ ဟိုကနဲ့ စစ်ကြောပြီးတဲ့ ရလဒ်အရ ၀ပြည်နယ်ဘက်က အကြောင်းကြားပြီး ဒီဘက်ကနဲ့ ပူးပေါင်းပြီး ဖမ်းဆီးကြတယ်လေဗျာ။ ကျနော်တို့ ၉-၄-၂၀၀၃ မှာ လှုပ်ရှားလိုက်တယ်။ ဒါ့အပြင် စစ်ဦးစီးချုပ် ပေါင့်ယို့ရန် ကိုယ်တိုင် တပ်ထွက်ပြီး သွားဖမ်းဆီးတယ်။ တချီတည်း လူ ၂ ယောက် အသေဖမ်းမိတယ်။ ၁၁ ယောက်ကို အရှင် ဖမ်းဆီးလိုက်တယ်။ အားလုံးကို ကျနော်တို့ တရုတ်ပြည်လက်ထဲ လွဲပြောင်းပေးအပ်လိုက်တယ်လေဗျာ။ ကဲ - ဘယ့်နှယ်လုပ်ပြီး ကျနော်တို့က မူးယစ်ဆေး ကူးသန်း ဖောက်ကားတဲ့ အကြမ်းဖက် အဖွဲ့အစည်းကြီးဖြစ်ရမှာလဲ ခင်ဗျာ”
ဝပြည်နယ် အဖွဲ့အစည်းတွေ လက်ရှိ ရင်ဆိုင်နေရတဲ့ အန္တရာယ် ၂ ခုကို ကျောက်ဝံကွမ်း ထောက်ပြပါတယ်။ ၁-အချက်က အပူမီး တလှိုက်လှိုက် ဆွေးမြေ့ တောက်လောင်နေတဲ့ မြန်မာနိုင်ငံ စစ်အစိုးရက အစဉ်တစိုက် အင်အားတွေကို စုစည်းနေပါတယ်။ အခွင့်သာတဲ့ တနေ့မှာ ခွန်ဆာအုပ်စုကို “ရှင်းပစ်”လိုက်သလိုမျိုး မိမိကိုယ်ကို ကနေ့ မြန်မာနိုင်ငံရဲ့ အကြီးဆုံး အတိုက်အခံ ၀ပြည်နယ် ညွန့်ပေါင်း တပ်ဖွဲ့ကြီးကို အမြစ်ကစ “မြေလှန်” ပစ်လိုက်ချင်နေပါတယ်။ ၂- အချက်က ကနေ့ အုပ်ချုပ်ရေးအာဏာ ချုပ်ကိုင်ပြီး အုပ်ချုပ်နေရတဲ့ သူတို့ ဒီလူတစု ကလည်းပဲ ဘိန်းစိုက်ပျိုးမှု မူးယစ်ဆေး ကူးသန်းရောင်းဝယ်မှု ပြဿနာတွေမှာ သူတို့ လွန်ပြီးတဲ့နောက် အုပ်ချုပ်မှု မရှိတော့တဲ့ အခါကျရင် သေရာက ပြန်လည် ခေါင်းထောင်လာမှာကို စိုးရိမ်ကြပါတယ်။
ကျောက်ဝံကွမ်းရယ်၊ ကျိုးဝံကောင်းရယ် နှစ်ယောက်သား ကောင်းမောင်းပြီး သတင်းထောက်တွေကို မြူနှင်း တိမ်တိုက်တွေ ဝေ့လည် ပိတ်ဖုံးနေတဲ့ ၀တောင်တန်း နက်နက်ရှိုင်းရှိုင်းထဲ ခေါ်ဆောင်သွားကြတယ်။ အဲဒီနေရာတွေမှာ ၀တပ်ဖွဲ့က စိုက်ထားတဲ့ ရော်ဘာတောကြီးကို လိုက်ပြပါတယ်။ အဲဒီတောင်တကြောဟာ တချိန်က ပေါ်ပီပင်တွေ တအားစိုက် တအားထွက်တဲ့ နေရာတွေလို့ ကျောက်ဝံကွမ်းက ပြောပါတယ်။ “ဒါဟာ ၀ပြည်နယ် အစိုးရ အရမ်းကို ခက်ခဲကျပ်တည်းတဲ့ အခြေအနေ အောက်မှာ တရုတ်ပြည်၊ ဂျပန်ပြည်တို့လောက်သာ လက်တွေ့ ပံ့ပိုးမှုကနေ အစားထိုး စိုက်ပျိုးပြီး ရလာတာ ဖြစ်တယ်”
ကျောက်ဝံကွမ်း ထပ်ပြောပါတယ် “ပေါ်ပီပင် စိုက်ပျိုးတာ လျော့ပါးသွားအောင် ကျနော်တို့ တစတစ လုပ်နေပါတယ်။ ကျနော်တို့ ဒီမြေမှာမွေး ဒီမြေမှာ ကြီးပြင်းလာကြတဲ့သူတွေကသာ ဘယ်လိုပုံနဲ့ တလှမ်းပြီးတလှမ်း ပေါ်ပီပင် စိုက်ပျိုးမှု လျော့ပါးသွားရမလဲ ဆိုတာကို သိရှိပြီး တကယ့်ကို လက်တွေ့ကျကျ လုပ်တာ။ ၀ပြည်နယ် မူးယစ်ဆေးဝါး တိုက်ဖျက်ရေးကို ကူညီ ပံ့ပိုးပေးတာက တရုတ်ပြည်သာ ရှိနေပါတယ်။ ဂျပန်တွေဆီကလည်း အကူအညီ တော်တော်လေး ရပါတယ်။ တခြား အနောက်နိုင်ငံတွေကတော့ ကြောင်တောင်ကန်းနဲ့ အော်နေကြတာပဲ ရှိတယ်။ လက်တွေ့ကျကျ ဆောင်ရွက်မှုတွေ ဘာတခုမှ မရှိသေးပါ”
အနီးအနားက မန်သြချွန်း ဆိုတဲ့ ရွာထဲမှာ ရွာသူကြီး ယယ်တန်းက သတင်းထောက်တွေကို လက်ခံ တွေ့ဆုံပါတယ်။ ယယ်တန်း အဆိုအရ ဒီမှာက အရင်က ဘိန်းထွက်ရာ နေရာပါ တဲ့။ တတော တတောင်လုံး နေရာမလပ် ဖြန့်ကျက် စိုက်ပျိုးတာက အားလုံး ပေါ်ပီတွေချည်းပဲ။ ၁၉၉၉ ခုနှစ် တရုတ်ပြည်ရဲ့ ကူညီမှုကြောင့် ရာဘာပင်ကို အစားထိုးပြီး စတင် စိုက်ပျိုးကြတယ်။ ဒါပေမယ့် တောသူတောင်သားတွေက တောင်ရဲ့ နောက်ကျောဘက်မှာ ပေါ်ပီပင်တွေကို တိတ်တဆိတ် ခိုးပြီး စိုက်ကြတယ်။ သူက ဒါကို ရှင်းလင်း ပြောပြပါတယ်။ ဘာ့ကြောင့် ဆိုရင် သူတို့က တခြား လယ်ယာ သီးနှံ စိုက်ပျိုးမှုမှာ နည်းပညာပိုင်းမှာ သိပ်ပြီး ညံ့လွန်းကြတယ်။ နှစ်စဉ် စိုက်လိုက်သမျှ သီးနှံတွေက စားမလောက် ဖြစ်နေတယ်။ ဒါဟာ ဘိန်းတောင်သူတွေ မွဲတေရတဲ့ သံသရာ စက်ဝိုင်းကြီးလို ဖြစ်နေတာ။ ကျန် နှစ်ဝက်မှာ စားစရာ မလောက်မငတော့မှ လက်ထဲ ဆုပ်ကိုင်ထားတဲ့ ဘိန်းကို ထုတ်ပြီး စားစရာနဲ့ လဲလှယ်စားတယ်။ ဒါကြောင့် ဘိန်းတောင်သူတွေဟာ မွဲမြဲ မွဲနေကြတယ်။ ပေါ်ပီ စိုက်ပျိုးမှု လုံးဝ ရုန်းမထွက်နိုင်ဘဲ ဖြစ်နေကြတယ်။ “ဘာကြောင့်လဲ ဆိုတော့ ဘိန်းက တနှစ်လုံး အချိန်မရွေး ရှိရှိသမျှ ငွေကြေးတို့ရဲ့ လားရာ ရင်းမြစ် ဖြစ်နေလို့ပါပဲ”
x x x x x
၁၉၉၇ ခုနှစ် ၀ ပြည်နယ် အစိုးရက တကမ္ဘာလုံးကို ကြေညာလိုက်တယ်။ - - ခုနှစ်အတွင်း ၀ပြည်နယ် စီရင်စုအတွင်းမှာ ပေါ်ပီပင် စိုက်ပျိုးမှုကို ဘက်စုံ ပိတ်ပင် ဟန့်တားသွားမယ်။ တချိန်တည်းမှာပဲ ပေါင့်ယိုရှန်ကလည်း ကြေညာချက် ထုတ်ပြန်ပါတယ်။ ကနေ့ ၀ပြည်နယ်က စီရင်စုနယ်အတွင်းမှာ ၅၀ ရာခိုင်နှုန်း နယ်မြေတွေ အားလုံး လိုလို သို့မဟုတ် အစိတ်အပိုင်း တစုံတရာ အထိ ပေါ်ပီပင် စိုက်ပျိုးမှု တားမြစ် ပိတ်ပင်ချက်ကို လက်တွေ့ အကောင်အထည် ဖော်နိုင်ပါပြီ။ တရုတ်သတင်းထောက်တွေ မလာရောက်ခင် တလလောက် ဖြစ်တဲ့ ၁၅-၃-၂၀၀၂ နေ့မှာ ရှမ်းပြည်နယ် အထူးဒေသ ၀ ပြည်နယ် အစိုးရ ဥက္ကဋ္ဌ၊ ၀ ညွန့်ပေါင်းတပ် တပ်မှူးချုပ် ပေါင့်ယိုရှန်က ရန်ကုန်အခြေစိုက် ဆင်ဟွာ သတင်းထောက် လာရောက် တွေ့ဆုံစဉ် ပြောလိုက်တယ် - “၀ပြည်နယ် အဖွဲ့အစည်းဟာ မူးယစ်ဆေးဝါး တိုက်ဖျက် နှိမ်နင်းရေးမှာ ‘၀မ်းမောက်စရာ ရလဒ်ကို ရပါတယ်’ ဆိုပြီး ပြောလိုက်ပါတယ်။ ၀ပြည်နယ်မှာ ပေါ်ပီပင် စိုက်ပျိုးတာ နှစ်ပေါင်း တရာကျော်တဲ့ သမိုင်းပါ။ ဒါပေမယ့် ပေါ်ပီက ၀ပြည်နယ် ပြည်သူလူထုဆီ သယ်ဆောင်လာတာက သုတိမင်္ဂလာ သာယာတဲ့ အသံပါ။ ဘေးဒုက္ခ မဟုတ်ရပါ။ သူဟာ ၀ ပြည်သူလူထုရဲ့ ကိုယ်စိတ်နှစ်ပါး ကျန်းမာရေးကို ဆိုးကျိုးဒုက္ခ ပေးပါတယ်။ နောက်ပြီး ၀ပြည်နယ် ထုတ်လုပ်မှု ရင်းမြစ် အင်အားကိုပါ ဖြုန်းတီးရာ ရောက်နေပါတယ်။ ၀ပြည်နယ်ရဲ့ ကုန်ထုတ်လုပ်မှု ဖွံ့ဖြိုးရေးကိုလည်း ဆိုးကျိုးဒုက္ခ ပေးနိုင်ပါတယ်”
ပေါင့်ယိုရှန်ရဲ့ စကားအရ ၀ပြည်နယ် အထူးဒေသကို ၁၉၈၉မှာ တည်ထောင်လိုက်ပါတယ်။ ၀ပြည်နယ်အစိုးရက ၁၉၉၀ ဇန်န၀ါရီလမှာ ပေါ်ပီပင် စိုက်ဧက နှစ်အလိုက် လျှော့ချဖို့ကို စီမံကိန်းချ သတ်မှတ်လိုက်ပါတယ်။ ၁၅-၂၀ နှစ်ကာလ အတွင်းမှာ ပေါ်ပီ စိုက်ပျိုးမှု လုံးဝ အမြစ်ပြတ်ရမယ် ဆိုတဲ့ စီမံကိန်းချလိုက်တယ်။ ၁၉၉၀ တုန်းက ၀ပြည်နယ်က ပေါ်ပီပင်စိုက်ဧက ဟက်တာ ၄၀၅၀ ခန့် ရှိပါတယ်။ နှစ်စဉ် ဘိန်းတန်ချိန် ၆၀ ခန့် ထွက်ပါတယ်။ ၁၀ နှစ်ကျော် ကြိုးပမ်းလာခဲ့တာကြောင့် ၂၀၀၀ ပြည့်နှစ်မှာ ဟက်တာ ၂၀၂၅ ကို ဇောက်ထိုး ကျဆင်းသွားပါတယ်။ ထွက်နှုန်းလည်းပဲ တန် ၃၀ လောက် ကျသွားပါတယ်။ အဲဒီ ကာလအတွင်း ၀ပြည်နယ်အစိုးရ မီးရှို့ဖျက်ဆီးလိုက်တဲ့ မူးယစ်ဆေး နဲ့ ပြုပြင်မွမ်းမံရာမှာ သုံးစွဲတဲ့ အထောက်အကူပစ္စည်း တန်ဖိုးပေါင်း ဒေါ်လာ သန်း ၁၂၀ ကျော်ပါတယ်။
ပေါင့်ယိုရှန်က ခိုင်ခိုင်မာမာ ဆိုပါတယ် - မူးယစ်ဆေး တိုက်ဖျက်နှိမ်နင်းရေး လုပ်ငန်းစဉ်ထဲမှာ ၀ပြည်နယ်က မူးယစ်ဆေး တိုက်ဖျက်ရေးနဲ့ စီးပွားရေး ဖွံ့ဖြိုးတိုးတက်မှုကို ပြိုင်တူ ဆောင်ရွက်ဖို့ ချမှတ်ပါတယ်။ ဒါကနေ ပြည်သူတွေရဲ့ စားဝတ်နေရေး ပြဿနာကို ဖြေရှင်းနိုင်မှာ ဖြစ်တယ်။ ကုန်လွန်ခဲ့တဲ့ ၁၀ နှစ်ကျော် ကာလအတွင်းမှာ ၀ပြည်နယ်က ရောဘာပင် ဟက်တာ နှစ်သောင်းကျော် အစားထိုး စိုက်ပျိုးနိုင်ခဲ့တယ်။ ဒါ့အပြင် လက်ဘက်ခြောက် စိုက်ခင်းက ဟက်တာ ၃၂၄၀၊ နှစ်ရှည်သီးပင် ဟက်တာ ၂၆၇၃၊ ကြက် ၀က် မွေးမြူရေခြံ၊ စီးကရက် စက်ရုံ၊ ကျောက်မျက်ရတနာ ကုမ္ပဏီတွေကို ပြုပြင်မွမ်းမံ ဆောင်ရွက်ခဲ့တယ်။ အထက်က ပြဆိုခဲ့တဲ့ လုပ်ငန်းဆောင်တာတွေကြောင့် ၀ပြည်နယ် အရပ်သူအရပ်သားတို့ရဲ့ ၀င်ငွေက ပေါ်ပီပင် စိုက်ပျိုးတဲ့ ၀င်ငွေထက် ၃၀ ရာခိုင်နှုန်း တိုးပွားများပြားလာတယ်။ တချိန်တည်းမှာပဲ ၀ပြည်နယ်ရဲ့ ပညာရေးနဲ့ကျန်းမာရေး အနေအထားကလည်း ပိုမို ကြီးမားတဲ့ ပြောင်းလဲမှုတွေ ဖြစ်ပေါ်လာပါတယ်။ ၁၉၈၉ တုန်းက ဆေးရုံ ၄ ရုံ၊ ကျန်းမာရေး အဆောက်အအုံ ၈ ခု၊ ဆေးဝန်ထမ်းပေါင်း ၁၅၀ ပဲ ရှိတယ်။ ကနေ့ ဆေးရုံက ၂၀၊ ဆေးပေးခန်းတွေက ၁၀၆ ခု၊ ကျန်းမာရေးဝန်ထမ်း ၆၀၀ နီးပါး တိုးတက်လာတယ်။ ပညာရေး ကျန်းမာရေးတွေ ပြုပြင်ပြောင်းလဲတဲ့ အခြေအနေကြောင့် ၀ပြည်နယ် ပြည်သူတွေရဲ့ မူးယစ်ဆေး တိုက်ဖျက်နှိမ်နင်းမှု သဘောသကာရ အနှစ်သာရကို တစတစ တိုးပွား သိမြင်လာပါတယ်။
တချိန်တည်းမှာပဲ ပေါင့်ယိုရှန်က ပြောပါတယ် - မျက်မှောက် ၀ပြည်နယ်က မူးယစ်ဆေး တိုက်ဖျက်နှိမ်နင်းရေးမှာ ဟိုးအရင် မူလကအတိုင်း ငွေကြေး မလုံလောက်မှုနဲ့ ရင်ဆိုင် ကြုံတွေ့နေရပါတယ်။ တရုတ်ပြည်နဲ့ ဂျပန်တို့ရဲ့ ကူညီပံ့ပိုးပေးတာက လွဲပြီး ကနေ့အထိ ၀ပြည်နယ်က တခြား ဘယ်နိုင်ငံကမှ အကူအညီ မရရှိသေးပါ။ ဒါ့ကြောင့် သူက အပြည်ပြည်ဆိုင်ရာ လူ့အဖွဲ့အစည်းတို့က ၀ိုင်းဝန်းကူညီဖို့ ဆော်သြလိုက်ပါတယ်။ ဒါမှသာ ဆောလျင်စွာနဲ့ အပိုင် ဖြေရှင်းလို့ ရတယ် ဆိုတဲ့ ရည်မှန်းချက် ပန်းတိုင်ကြီး ထမြောက် အောင်မြင်မှာဖြစ်ပါတယ်။
အပြည်ပြည်ဆိုင်ရာက ၀ပြည်နယ်မှာ ပေါ်ပီပင်တွေ ခါတိုင်းနှစ်တွေထက် ၅ ဆ တိုးချဲ့စိုက်ပျိုးတာနဲ့ စပ်လျဉ်းပြီး ပြစ်တင် ဝေဖန်ကြတယ်။ ၀ပြည်နယ်ဟာ အမေရိကန်ပြည်ထောင်စုက လက်နက်အားနဲ့ ရှင်းပစ်မယ် ဆိုတဲ့ ခြိမ်းခြောက်မှုကို ရင်ဆိုင် ကြုံတွေ့နေရပါတယ်။ ဒါ့အပြင် မြန်မာအစိုးရ ဆီကလည်း ဟိုးအရင်တုန်းက မရှိခဲ့ဖူးတဲ့ လေးလံပြင်းထန်တဲ့ ဖိအားတွေ ကြုံတွေ့နေရတယ်။ နောက်တချက် ကျန်ပါသေးတယ်။ ထိုင်းနိုင်ငံဘက်က မူးယစ်ဆေး တိုက်ဖျက်နှိမ်နင်းရေးရယ် နယ်မြေစိုးမိုးမှု စနစ် စတာတွေကြောင့် လက်နက်ကိုင်တပ်ဖွဲ့ချင်း ထိပ်တိုက်ရင်ဆိုင်တိုးမှုတွေ မကြာခဏ ဖြစ်ပေါ်လာတယ်။ ဒါတွေက ၀ပြည်နယ်သားတွေ ရှေးယခင်က မကြုံစဖူး ကြုံတွေ့နေရတဲ့ ဖိအားတွေ ဖြစ်တယ်။ ဒါတွေက ချုပ်ငြိမ်းတော့မယ့် အရေးတွေ နေ့ရောညပါ ကျီးလန့်စာစား အထိတ်တလန့် ဖြစ်ရတာတွေ အစရှိတဲ့ အနေအထား ခံစားနေရတယ်။ ပန်ခန်းနေ လူသူတွေက သတင်းထောက်ကို တိုးတိုးတိတ်တိတ် ပြောပြပါတယ်။ ဟိုးအရင်က ပန်ခန်း ပတ်လည် အနားက နယ်မြေတွေမှာ ဈေးနေ့တွေ ရောက်လာရင် ဘိန်းရောင်းဝယ်တဲ့ မြင်ကွင်းကို မြင်တွေ့ရပါတယ်။ အခု ဒါတွေကို မမြင်ရတော့ပါဘူး။ ဒီရှုခင်းဟောင်းလေးကို မြင်ချင်တယ် ဆိုရင်တော့ ၀ပြည်နယ် တောင်ပိုင်းဒေသရဲ့ မြို့ရွာကလေးတွေရဲ့ ဈေးနေ့မှာသာ တွေ့နိုင်မြင်နိုင်ပါတယ်။ ဘိန်းစိုက်ပျိုးထုတ်လုပ်မှု ဟီးရိုးအင်း ထုတ်လုပ်မှုက ကနေ့ စုပေါင်းလုပ်ငန်းကြီး ဖြစ်ပါပြီ။ သာမန်လူတွေ လုံးဝကို လုပ်ပိုင်ခွင့် မရှိတော့ပါ။ ဘိန်းစိုက်ပျိုးထုတ်လုပ်တဲ့ ဒေသရဲ့ လမ်းဝမှာ အစောင့်အကြပ် တပ်သားတွေ အထပ်ထပ် ချထားတဲ့ ဂိတ်တွေ ရှိနေပါယ်။ အပြင်လူ လုံးဝ ၀င်လို့ မရပါ။
ဘိန်းစိုက်ပျိုးတာ မြင်တွေ့လိုတဲ့အတွက် သတင်းထောက်တွေက ထိုဒေသသားတွေ ဖွင့်လှစ်တဲ့ ခရီးသွား ကုမ္ပဏီတခုကို ရှာတွေ့ပါတယ်။ ကုမ္ပဏီရဲ့ ခရီးလှည့်လည်ကြည့်ရှုတဲ့ အစီအစဉ်မှာ ဘိန်းပန်းကို ကြည့်ရမယ့် အစီအစဉ်တခုပါ ပါရှိပါတယ်။ ခရီးသွားလမ်းညွှန်လေးရဲ့ ခေါ်ဆောင်မှု နောက်ကို လိုက်ပါသွားရပါတယ်။ သတင်းထောက်တွေဟာ ပန်ခန်းတောင်ရဲ့ နောက်ကျောက တောင်းခပန်းမှာ ရှုခင်းကောင်းတဲ့ တျိုင်လျံတောင် ရွာနံဘေးကို ရောက်သွားတယ်။ သတင်းထောက်က စူးစမ်းတဲ့ အနေနဲ့ တာဝန်ကျသူကို မေးလိုက်တယ် - “ဘိန်းလေး နည်းနည်းပါးပါးလောက် ရနိုင်မလားခင်ဗျာ။ ဘယ်လို အရသာလဲ ဆိုတာ တဖွာ နှစ်ဖွာလောက်တော့ မြည်းစမ်းကြည့်ချင်လို့ပါ” တာဝန်ကျသူက ချီတုံချတုံ ဖြစ်သွားတယ်။ “ဘိန်းလား၊ မရှိပါဘူခင်ဗျ။ အခု တားမြစ်ချက်တွေ ဒါ့လောက် တင်းကျပ်နေတာဗျာ ဘယ့်နှယ်လုပ် စိုက်နိုင်မလဲဗျ” ပါးစပ်ကသာ ပြောတာ ချက်ချင်းပဲ အစားထိုး ပစ္စည်းတခုကို ယူလာပါတယ်။ မဲညစ်ရောင်လိုလို ချောကလက်ရေင်လိုလို ပိတ်စိမ်းပါးတစ။ သူပြောတာက ဒီပိတ်စနဲ့ ဘိန်းရည်စစ်ရပါတယ် တဲ့။ “အပေါ်ပိုင်းမှာ ခြောက်နေတဲ့ ဘိန်း အစအနလေး နည်းနည်းပါးပါး ကပ်ကျန်နေသေးတယ်။ မီးရှို့ပြီး ရေနဲ့ ဆေး - ၊ ရှူရတဲ့ ၀ါးလုံးပြောင်းဆေးတံကြီးနဲ့ တရှိုက်နှစ်ရှိုက်လောက် ဆိုရင် အာနိသင်က သိပ်ပြီး မကွာခြားလှပါဘူးခင်ဗျာ။ ဒါပေမယ့် ခင်ဗျားတို့လို ဟိုလိုအတွေ့အကြုံလေး ဒီအတွေ့အကြုံလေးတွေ လိုချင်ကြတဲ့ တရုတ်တွေ အနေနဲ့ကတော့ အံဝင်ခွင်ကျပါပဲ။ နည်းနည်းလေးတော့ ယစ်တစ်တစ် ရှိပါလိမ့်မယ်။ မူးဝေ ယစ်ထိုင်း ဖြစ်သွားလောက်အောင် မစိုးရိမ်ရပါဘူး”
ပိတ်စိမ်းစ ဇာပုဝါပါးကို ကြည့်လိုက်ရုံနဲ့ ဒါဟာ အသုံးပြုလို့ သိပ်ပြီး ကြာလှသေးတာ မဟုတ်မှန်း အထင်အရှား သိလိုက်ပါတယ်။ အပေါ်ယံကြောမှာ ကပ်တင်နေတဲ့ ဘိန်းပုံဆောင်ခဲလေးတွေက လတ်လတ်ဆတ်ဆတ်လေး ရှိနေတုန်းပါပဲ။
သတင်းထောက် နားလည် သဘောပေါက်ထားတဲ့ ဘိန်းထုတ်လုပ်မှုရဲ့ အစီအစဉ် စီးကြောင်းကနေ ကြည့်လိုက်၇င် ဘိန်းတောင်သူလက်ထဲက ဘိန်းစိမ်းအစေးကို ၀ယ်ယူသိမ်းဆည်းပြီးတဲ့နောက် ဗွေဆော်ဦး အလုပ်က ဘိန်းစိမ်းကို အပူပေးပြီး ပျော်ဝင်စေတယ်။ နောက်ပြီး ပိတ်စိမ်းပါးနဲ့ ဘိန်းထဲက အရောအနှော အမှိုက်သရိုက်တွေကို စစ်ထုတ်လိုက်တာ ဖြစ်ပါတယ်။ ပြီးနောက် ခန်းခြောက်အောင် ထားရပါတယ်။ ဒါဟာ ဘိန်းစိမ်းကနေ ကျက်သွားပါပြီ။ နောက်တဆင့်က ကျက်ပြီးသား ဘိန်းကို ဓာတုဗေဒဆေးဝါးတွေ ရောနှောထည့်လိုက်ပြီး ပြုပြင်မွမ်းမံရပါတယ်။ အဲဒီကနေ အဆင့်တွေခွဲ၊ အမျိုးအစားတွေ ခွဲပြီး စိန်ဝါ၊ ဟီးရိုးအင်း အစရှိတဲ့ မူးယစ်ဆေးဝါးတွေအဖြစ် ပြောင်းလဲသွားပါတယ်။ အဆင့်မြင့် မူးယစ်ဆေးဝါးတွေ ဖြစ်သွားပါပြီ။ ခု တာဝန်ကျသူက ဇာပိတ်စိမ်းပါး ယူလာပြီး ကျနော်တို့ မြည်းစမ်းဖို့ ဆိုပြီး ပြပါတယ်။ တကယ်တော့ ဒါဟာ စောစောလေးကမှ ဘိန်းရည်တွေ အမှိုက်စစ်ထုတ်တဲ့ ဇာပိတ်စိမ်းပါ။ အစောပိုင်းက ကပ်ကြေးနဲ့ ကိုက်ဖြတ် ယူလာတဲ့ အပိုင်းအစလေး ဖြစ်တယ် ဆိုတာ အထင်အရှားပါပဲ။ ဒါတွေက ဘာကို ပြောပြနေသလဲ ဆိုရင် ၎င်းနေရာမှာ ဒီတနှစ် ဘိန်းအများအပြား ရိတ်သိမ်းတာရယ်၊ ဘိန်းစိမ်းကနေ ပထမအဆင့် အကျက်ဖြစ်အောင် ပြုပြင် ချက်လုပ်တဲ့ အလုပ်ကို ဘယ်နေရာမှာမဆို တွေ့နိုင်မြင်နိုင်တယ် ဆိုတာကို ပြောပြနေတာပါပဲ။
၎င်းနေရာကလူက ပြောပါတယ် - “ပန်ခန်းနဲ့ မိုင် ၂၀-၃၀ အကွာက တချို့ မြို့ကလေးတွေ၊ ရွာတွေမှာ ဈေးနေ့ ရောက်တဲ့နေ့ကျမှ ဘိန်းစိန်းတွေ ချရောင်းတာကို တွေ့မြင်နိုင်ပါတယ်။ ဒါပေမယ့် ဟိုးအရင်လို မဟုတ်တောပါ။ အခုတော့ အတော်များများက ပုန်းလျှိုးကွယ်လျှိုးတွေ ဖြစ်ကုန်ကြပြီဗျ။ အများစုကတော့ လူသိရှင်ကြား မလုပ်ကြတော့ဘူးလေ” ယင်းနေရာမှာ ဘိန်းဟာ အမြဲတမ်း မြင်ကြရတဲ့ ကုန်စည်ဖလှယ်ဖို့ ဒါမှမဟုတ် ငွေကြေး စီးဆင်းမှု ရုပ်ဝတ္ထုပစ္စည်းတခု ဖြစ်နေပါတယ်။ ယင်းဒေသနေ အတွင်းသိ အစင်းသိတွေက တိုးတိုးလေး ကပ်ပြီး ပြောပြပါတယ်။ ဒီကနေ ၁၀ ကီလိုမီတာလောက် သွားလိုက်ရင် တပ်စခန်း တခုကို တွေ့ရမယ်၊ အဲဒီမှာ ဈေးနေ့တွေ ဆိုရင် ဘိန်းရောင်းချနေတာကို တွေ့ရပါလိမ့်မယ်၊ ဒါပေမယ့် “ဓာတ်ပုံသွားရိုက်လို့တော့ မကောင်းဘူးနော်။ အရိုက်မတော်ရင် ခင်ဗျား အသက်ပါ ပါသွားနိုင်တယ်ဗျ။ ၀တပ်သားတွေက ရိုင်းလည်း ရိုင်းတယ်။ ကြမ်းလည်း ကြမ်းတယ်။ သူတို့က ခင်ဗျားကို အရင်ဦးအောင် ဆော်ထည့်လိုက်မှာ။ သိပ် သတိထားရတာဗျ။ ပြောရရင် ခင်ဗျား ကင်မရာကို ပေးမတွေ့တာ အကောင်းဆုံးပဲ” ဒါပါပဲ။ အဲဒီလူက ထပ် သတိပေးပြန်တယ် - “ဒါဟာ ၀ပြည်နယ်နော်။ ခင်ဗျားတို့ရဲ့ ပြည်တွင်းမှာလို မဟုတ်ဘူး။ ကိုယ့် ပြည်တွင်း(တရုတ်ပြည်)မှာ နေသလိုမျိုး ပေါ့တီးပေါ့ဆ နေလို့ မရဘူးဗျ။ ဘိန်းရာဇာကြီးတွေက လမ်းပေါ်မှာတင် လူသတ်တာခင်ဗျ။ ဒါတွေဟာ ၀ပြည်နယ်မှာ မရှိတာမျိုး မဟုတ်ဘူးနော်။ အဲဒီ သတ္တ၀ါတွေက သူတို့ကိုယ်မှာ အမြဲ သေနတ်ဆောင်ထားတာဗျ။ တရုတ်ပြည်က လူတွေ ဒီမှာ အမြဲပဲ သေကြရတယ်။ သေမှုသေခင်း ဘာတခုမှ မရှင်းမလင်းကြီးပဲဗျ။ တရုတ်ပြည်က လာတဲ့ တရုတ်လူမျိုးတွေ ဆိုရင် ဟောဒီက ရဲတွေက တယ်ပြီး စာရင်းထဲ ထည့်တာ မဟုတ်ဘူးဗျ နော်”
x x x x x
နယ်နိမိတ်ကျော်ပြီး သတင်းစုဆောင်းတဲ့အခါ ၀ပြည်နယ်မှာ မူးယစ်ဆေး တိုက်ဖျက် နှိမ်နင်းရေးအပြင် တခား လန်းဆန်းထူးကဲတဲ့ သိချင်စရာ အကြောင်းတခုကိုပါ ကြားသိလိုက်ရတယ်။
ဟိုး အစောကြီးနှစ်တွေ ဖြစ်တဲ့ သက္ကရာဇ် ၂၂၅ ခုနှစ်တုန်းက ဟူလူ ဘုရင့်နိုင်ငံတော်မှာ ၀ တိုင်းရင်းသား ခနာ့ မန်ကျွိုင် အုပ်စု နဲ့ တောင်ပိုင်းစစ်ချီတဲ့ စူဟန့်နန်းရင်းဝန် ကြူးကို့လျန့် တို့ မဟာမိတ် ဖွဲ့လိုက်ကြတယ်။ သူတို့ နှစ်ဦးသား နယ်ခြားစခန်းမှာ အတူတူ စောင့်ကြပ်ကြမယ် တဦးနဲ့တဦး မဆန့်ကျင် မတိုက်ခိုက်စတမ်း ကိုယ့်အပိုင်နဲ့ကိုယ် အေးအေးချမ်းချမ်း နေထိုင်ကြပါတယ်။ စုဟန့်မင်းဆက်ကလည်း ခနာ့ မန်ကျွိုင် လူမျိုးကို ၀ လူမျိုးအဖြစ် ထီးမွေနန်းဆက် ဆက်ခံခွင့်ကို အသိအမှတ်ပြု နေထိုင်ခဲ့တယ်။ ဒါ့အပြင် ကတိသစ္စာပါ ခံထားကြတယ် တကယ်လို့များ ခနာ့ မန်ကျွိုင် လူမျိုးစုရဲ့ ဟူလူ (ဗူး) ဘုရင်ကို ပြင်ပက ရန်သတ္တုပြုလာရင် မဟာမိတ် စူဟန်မင်းဆက် နန်းတော်ကနေပြီး စစ်ကူပေးဖို့ တာဝန်ယူရမှာ ဖြစ်ပါတယ်။ အဲဒီအချိန်က အစပြုပြီး နောက်ပိုင်း သက္ကရာဇ် ၁၇၀၀ ပြည့်နှစ်မှာ ခနာ့ မန်ကျွိုင် မိသားစု ထီးမွေနန်းမွေ ဆက်ခံတဲ့ ၀ ဘုရင် အရိုက်အရာ တရုတ်သမိုင်း အစဉ်အဆက် မင်းတွေက ကာကွယ် စောင့်ရှောက်ထားပါတယ်။ ဒါနဲ့ ၀လူမျိုးတွေက တရုတ်ပြည်ကြီးအပေါ် တလျှောက်လုံး ကတိသစ္စာ တည်ခဲ့ကြတယ်။
၁၈၈၆ ခုနှစ် ဗြိတိသျှတို့ မြန်မာတနိုင်ငံလုံးကို ကျူးကျော် သိမ်းပိုက်လိုက်တယ်။ ၎င်းနောက် တရုတ်မြန်မာနယ်စပ် ခ၀ တောင်ကို မျက်စောင်းထိုးတယ်။ ထိုစဉ်တုန်းက ၅၉ ဆက်မြောက် ၀ ဘုရင် နာမည်က ဟူယွိစန်း ခေါ်ပါတယ်။ သူ့ရဲ့ လက်အောက်မှာ ၀လူမျိုးစု ၁၈ အုပ်စု ရှိကြတယ်။ ဗြိတိသျှတို့က ရှေးဦးဆုံး ဘုရင် ဟူယွိစန်းကို သူတို့ရဲ့ လက်အောက်ခံ ဖြစ်စေချင်တယ်။ ဘုရင် ဟူယွိစန်းရဲ့ အညံ့မခံမှုကြောင့် ဗြိတိသျှတို့က တပ်အင်အား ၂၀၀၀ စေလွှတ်ပြီး ခ၀ တောင်ကို အတင်း ထိုးနှက်လေတယ်။ ဒါ့အပြင် အတင်းအကျပ်ပဲ ထိုတုန်းက ၀ တို့ရဲ့ နန်းစိုက်ရာ ဖြစ်တဲ့ ပန်ဟုန်ကို တိုက်တယ်။ လက်နက် အသာစီး အားကိုးနဲ့ အတင်းဝင် အတင်းသိမ်း လုပ်ကြတဲ့ ဗြိတိသျှတွေက ၀အုပ်စု ၁၈ စုထဲက ယုံပန်၊ မှန်ရှန်း နှစ်စုကုို သိမ်းပိုက်လိုက်တယ်။ ၀ ခေါင်းဆောင် ဟူယွိစန်းက ကျန်ရှိတဲ့ ၁၆ စုက လူတွေကို ခေါင်းဆောင်ပြီး ဗြိတိသျှတို့ရယ် ၎င်းတို့လက်ပါးစေ ၀ သစ္စာဖောက်တို့နဲ့ သွေးချောင်းစီး တိုက်ပွဲကြီး တိုက်ကြတယ်။ နောက်ဆုံး ကျူးကျော်သူတို့ကို အနိုင်တိုက်နိုင်ခဲ့တယ်။ ဘိုးစဉ်ဘောင်ဆက် အဆက်ဆက်ရဲ့ ရေမြေတောတောင်ကို အကာအကွယ် ပေးနိုင်လေတယ်။ ၀တို့ရဲ့ တရုတ်ပြည်ဘက်မှာ ရှိနေတဲ့ ပိုင်နက် နယ်မြေတွေကိုပါ ထိန်းသိမ်းထားနိုင်လေတယ်။ ရဲစွမ်းသတ္တိရှိတဲ့ ဟူယွိစန်းဟာ တိုက်ပွဲမှာ ပြင်းပြင်းထန်ထန် ဒဏ်ရာ ရသွားတယ်။ အောင်ပွဲခံပြီးတဲ့ ဒုတိယနှစ်မှာပဲ ရောဂါဘယနဲ့ ကွယ်လွန်သွားပါတယ်။
ဟူယွိစန်းရဲ့ သား ဟူကျန်းဟန့်က ၆၀ ဆက်မြောက် ၀နိုင်ငံ ဘုရင်အဖြစ် တာဝန်ယူတယ်။ ဟူကျန်းဟန့် ဘုရင်ဖြစ်ပြီးတဲ့ ၆ နှစ်မြောက် ၁၉၄၀ ခုနှစ်မှာ ကျူးကျော်ရေးသမား ဖက်ဆစ်ဂျပန်တို့ဟာ မြန်မာနိုင်ငံ မြောက်ပိုင်းကနေပြီး တရုတ်ပြည်ကို ထိုးစစ်ဆင်တယ်။ နန်းစိုက်ထားတဲ့ ပန်ဟုန်ကိုပါ တိုက်တာပေါ့။ ၀ ဘုရင် ဟူကျန်းဟန့် သူ့ဖခင်သွေးနဲ့ ၀တွေကို ဦးဆောင်ပြီး ဂျပန်တပ်နဲ့ အကြိတ်အနယ် တိုက်ကြလေတယ်။ နှစ်ဘက် သွေးချောင်းစီးတိုက်ပွဲ ၃ နှစ် ကြာပါတယ်။ နောက်ဆုံးမှာ ဂျပန်တွေ ပန်ဟုန်ကို တလက်မလေးတောင် မရလိုက်ပါ။
၁၉၄၃။ ၀ဘုရင် ဟူကျုန်းဟန့် ဂျပန်နဲ့ တိုက်တဲ့ပွဲမှာ ဒဏ်ရာ ရတာရယ်၊ အပင်ပန်း ခံလွန်းတာနဲ့ ရောဂါကြောင့် ကွယ်လွန်တယ်။ အဲဒီအချိန်တုန်းက သူ့ရဲ့သား ကလေးငယ်လေးသာ ရှိသေးတာ ဖြစ်တယ်။ ဒီတော့ ညီဖြစ်တဲ့ ဟူကျုန်းဟွာက ၀တို့ရဲ့ ၆၁ ဆက်မြောက် ဘုရင် ဖြစ်လာတယ်။ ဟူဘုရင့်မိသားစုတို့က ၁၇၀၀ ပြည့်နှစ် မတိုင်ခင်ကတည်းက ကတိသစ္စာ ဆိုထားတာ ရှိပါတယ်။ ကမ္ဘာတည်သရွေ့ ကာလပတ်လုံး ကျုံဟွာဟန့် တရုတ်တို့နဲ့ ဥမကွဲ သိုက်မပျက် တစည်းတလုံးတည်း ရှိနေပါ့မယ်။ အရိုးထဲကနေပြီး မိမိရဲ့ မျိုးရိုးစဉ်ဆက်က တရုတ်လူမျိုးတွေသာ ဖြစ်တယ်။ ဒါကြောင့်လည်း ဖခင် ဟူယွိစန်းက သူ့သားတွေကို နာမည်ပေးတာမှာ “ကျုန်းဟွာ၊ ကျုန်းဟန့်” ဆိုတာတွေကို ကြည့်ရင် သိနိုင်ပါတယ်။
(မြန်မာပြန်ဆိုသူ၏ ရှင်းလင်းချက် - ကျုန်း ရဲ့ အဓိပ္ပာယ်က သစ္စာရှိခြင်း၊ သစ္စာထားခြင်း၊ သစ္စာစောင့်သိခြင်း။ ဟွာ က တင့်တယ်ခြင်း၊ အဆီအနှစ်၊ အညွန့်အဖူး၊ တရုတ်။ ဟန့်-ဟန်က BC ၂၀၆ မှ AD ၂၂၀ နှစ်အထိ မင်းဆက် ရှည်လျားတဲ့ ဟန်မင်းဆက်ခတ် ဖြစ်တယ်။ ဟန်မင်းဆက်ခေတ် တရုတ်ပြည်မှာ အင်မတန် စည်ပင် သာယာ ၀ပြောတယ်။ ဒါကို အကြောင်းပြုပြီး တရုတ်တို့က သူတို့ကိုယ်သူတို့ ဟန်လူမျိုး ဟွာတရုတ် ဆိုပြီး ခေါ်ကြတာပါ။ ဒါကြောင့် ဟွာ=တရုတ်၊ ဟန့်(ဟန်)=တရုတ် ဖြစ်တယ်။ ဟန်မင်းဆက်ခေတ်လိုပဲ ထန်မင်းဆက်ခေတ်လည်းပဲ ရှိသေးတယ်။ ထန်မင်းဆက်ခေတ်က ခရစ်သက္ကရာဇ် ၆၁၈-၉၀၇ အထိ ဖြစ်တယ်။ မြန်မာတို့ရဲ့ ပျူခေတ်နဲ့ ခေတ်ပြိုင်ပါ။ တရုတ်မြန်မာ တရင်းတနှီး ဆက်ဆံမှု အရှိဆုံး ခေတ်တခေတ်လည်း ဖြစ်ပါတယ်။ ထန်ခေတ်မှာ စက္ကူ၊ ပုံနှိပ်၊ သံလိုက်အိမ်မြောင် တီထွင်မှုတွေ ပြုခဲ့တယ်။ ကြွေထည်ပစ္စည်းတွေ ထွန်းကားတယ်။ ဗုဒ္ဓဘာသာ ထွန်းကားမှု ပြုလာတယ်။ စွန်းဝူခုန်း မျောက်ကားက ဘုန်းတော်ကြီး အနောက် မဇ္ဈိမဆီ ပိဋကတ် သုံးပုံ သွားရောက် ပင့်ဆောင်ခြင်း သမိုင်း ၀တ္ထုကြောင်းက ထန်မင်းဆက်ခေတ်ကို နောက်ခံပြုထားတာပါ။ ဒါကြောင့် ထန်မင်းဆက်ခေတ်ကလည်း ဟန်မင်းဆက် ခေတ်လိုပဲ တရုတ်ပြည်ဟာ ဒီတုန်းက အင်မတန် အေးချမ်းပြီး ဖွံ့ဖြိုးတိုးတက်ပါတယ်။ ဒါကြောင့် ထန်=တရုတ် ရယ်လို့ ဖြစ်လာပါတယ်။ နောက် - ကျုံး ဆိုတာ အလယ်၊ အတွင်း၊ အထဲ၊ ကြား ဆိုတဲ့ အဓိပ္ပာယ်ပါ။ ကို က တိုင်းပြည်၊ ပြည်၊ နိုင်ငံ၊ တိုင်းနိုင်ငံပါ။ လူမျိုးတိုင်းက ကိုယ့်လူမျိုးကို အမွမ်းတင် စကား ဆိုလေ့ရှိကြပါတယ်။ တရုတ်တို့လည်းပဲ သူတို့ရဲ့လူမျိုးဟာ ကမ္ဘာလောကသားတွေထဲမှာ အစွမ်းဆုံး အထက်ဆုံး အတော်ဆုံး အကောင်းဆုံးလို့ လူမျိုးတိုင်းရဲ့ သဘောဆန္ဒအတိုင်း ရှိပါတယ်။ ဒါကြောင့် သူတို့ရဲ့ နိုင်ငံဟာ ကမ္ဘာ့နိုင်ငံတွေရဲ့ ဗဟိုစံထားရမယ့်နိုင်ငံ ဆိုတဲ့ “ကျုံးကို” လို့ ကိုယ့်နိုင်ငံကို ခေါ်တွင်လာပါတယ်။ ဒါတွေကို ခြုံလိုက်ရင် တရုတ်=ဟွာ၊ ဟန်(ဟန့်)=ထန် တို့ ဖြစ်ပါတယ်ခင်ဗျာ။)
ဒါကြောင့် မြန်မာနိုင်ငံကို ကျူးကျော်နယ်ချဲ့တဲ့ အင်္ဂလိပ်တို့က တရုတ်ပြည်ကို မြန်မာနိုင်ငံ မြောက်ပိုင်းကနေ ကျူးကျော် ၀င်ရောက်ဖို့ အစဦးဆုံး ၀ ဘုရင့် နေပြည်တော် ပန်ဟုန်ကို တိုက်ရပါတယ်။ ၀ ဘုရင် ဟူယွိစန်းက ရွတ်ရွတ်ချွန်ချွန် ခုခံ တိုက်ခိုက်တယ်။ အင်္ဂလိပ်တို့ နောက်ဆုံး လက်လျှော့ပြီး ပြန်ဆုတ်တယ်။ နောက်တနှစ် ဟူယွိစန်း သေသွားတယ်။ သူ့သား ၂ယောက်ကို ဟူကျုန်းဟွာ၊ ဟူကျုန်းဟန့် လို့ အမည်ပေးခဲ့တယ်။ သားကြီး ဟူကျုန်းဟန် ဘုရင် တက်လုပ်တယ်။ သူ့ခေတ်မှာ ဂျပန်တွေကလည်း မြန်မာပြည်မြောက်ဘက်စွန်းကနေ တရုတ်ပြည်ထဲ ၀င်တိုက်တယ်။ ဟူကျုန်းဟန့် ခုခံ တိုက်ခိုက်တယ်။ ဂျပန်တွေ အထမမြောက်တော့ဘဲ ပြန်ဆုတ်တယ်။ ဟူကျုန်းဟန့်လည်း သေတော့ ဟူကျုန်းဟွာက ရင်ခွင်ပိုက် အုပ်ချုပ်တဲ့ ဘုရင် အဖြစ် တက်လာပါတယ်။
၁၉၅၂ ခုနှစ်။ ကူမင်တန် တပ်မှူး လီမိ အသစ်က တက်လာတဲ့ တရုတ်ပြည်သူ့ သမ္မတနိုင်ငံ အစိုးရကို ၀ပြည်သားတို့တော်လှန်ဖို့ “အထူးတာဝန်ခံ” ကို စေလွှတ်လိုက်တယ်။ ၀ တိုင်းရင်းသားရင်ခွင်ပိုက် ဘုရင် ဟူကျုံးဟွာကိုယ်တိုင် “အထူးတာဝန်ခံ” စေတမန် ကို ကိုယ်တိုင်ပဲ သတ်ပစ်လိုက်တယ်။ ဒါ့အပြင် တရုတ်ပြည်သူ့ လွတ်မြောက်ရေး တပ်မတော်ကို မြို့တော် ပန်ဟုန်မှာ အခြေစိုက် တပ်ချထားဖို့ ကြိုဆိုလေတယ်။
၁၉၅၅ ခုနှစ်။ တရုတ်ပြည်သူ့ လွတ်မြောက်ရေး တပ်မတော်က တရုတ်မြန်မာ နယ်စပ်တလျှောက်မှာ ကူမင်တန် တပ်ကြွင်းတပ်ကျန် လီမိတပ်နဲ့ တိုက်ကြ ခိုက်ကြတန်းက တရုတ်လွတ်မြောက်ရေးတပ် ကင်းထောက်တပ်ဖွဲ့ တပ်စုမှူးလေး ဟွမ်ယွင့်စူး နဲ့ ရှေ့က ၀ဘုရင် ဟူရဲ့ တဦးတည်းသော သမီး (ယူနန်တိုင်းရင်းသားကောလိပ် ကျောင်းပြီးခါစ) ဟူကွေ့မိန် သက်ဝင် ချစ်ကြိုး ငင်ကြလေတယ်။ ကွယ်လွန်သူ ၀ ဘုရင် ဟူကျုန်းဟန့်ရဲ့သမီး ဟူကွေ့မိန်ဟာ ထိုစဉ်တုန်းက ချန်းယွမ်ခရိုင် ကော်မတီ တိုင်းရင်းသား ဌာနမှာ တာဝန်ထမ်းဆောင်ပါတယ်။ နှစ်ဦးသား ကိုယ့်လုပ်ငန်းတာဝန် မပျက်မကွက် ထမ်းဆောင်ကြပါတယ်။ ယွမ်ခရိုင် အစိုးရက သူတို့နှစ်ဦးရဲ့ လက်ထပ်ခွင့် တောင်းခံချက်ကို သဘောတူလိုက်တယ်။ ဒါပေမယ့် ၀တိုင်းရင်းသားတို့ရဲ့ ဓလေ့အတိုင်း ဘုရင့်သမီးတော် ဟူကွေ့မိန်ဟာ နို့စို့စ ပုခက်တွင်းကာလ ပူတူတူးလေး အရွယ်မှာကတည်းက တခြား ၀ တိုင်းရင်းသား လူမျိုးစု ခေါင်းဆောင်ကြီးရဲ့ အရွယ်မရောက်သေးတဲ့ သားနဲ့ နောင်တချိန်မှာ ထိမ်းမြားလက်ထပ်ပေးဖို့ စေ့စပ်ကြောင်းလမ်းထားတာ ရှိနေပြန်ပါသေးတယ်။ ချစ်သူ နှစ်ဦးမှာ အပူမီး တောက်လောင်လို့ နေချေပြီကော။
ဝသမီးပျိုရဲ့ ဘုရင့် တော်ဝင် အမျိုးအနွယ်က တခက်။ ဒါက မိန်းကလေးဘက်က အခက်။ ဟော - ဒီဘက် ယောက်ျားလေးဘက်ကကော တဲ့။ သူလည်းပဲ သူ့အခက်နဲ့သူ။
ထိုတုန်းက စစ်တပ်မှာက တင်းကြပ်တဲ့ စစ်စည်းကမ်းက ရှိနေတယ်လေ။ အရာရှိ အရာခံ ဆိုတဲ့သူဟာ သူဌေးသူကြွယ် လယ်သမားရဲ့ အဆင့်ထက် မြင့်တဲ့ လူတန်းစား အလွှာကို လက်ထပ်ပိုင်ခွင့် မရှိရ တဲ့။ ကဲ - ဟိုဘက်ကခက်သလို ဒီဘက်ကလည်း ခက်တာ ရှိနေပြန်ပြီ။ ဟူကွေ့မိန်က ပဒေသရာဇ် အရှင်သခင် တော်ဝင် ဘုရင့်မျိုးနွယ် အရင်းခေါက်ခေါက်ကြီးလေ။ ဒါကြောင့် အသည်းချင်းအပ် ရင်ချင်းအပ်ပြီး ချစ်ကြတဲ့သူနှစ်ဦး နှစ်ကိုယ်တူ ပေါင်းဖော်ဖို့ကို နှစ်ဦးအတူ ပူးတွဲပြီး တရားဝင် တောင်းဆိုလိုက်တယ်။ စစ်တပ်ဘက် ခေါင်းဆောင်ပိုင်းရော၊ ရင်ခွင်ပိုက်ဘုရင် ဖြစ်တဲ့ ဘကြီးတော် ဟူကျုန်းဟွာ ဘုရင်မင်းမြတ်တို့ရဲ့ တပြိုင်နက် ကန့်ကွက်ချက်နဲ့ ရင်ဆိုင် ကြုံတွေ့ကြရလေပြီ။ ယာယီ ရင်ခွင်ပိုက် ဘုရင် ဟူကျုန်းဟွာက တူမတော် ဟူကွေ့မိန် သူတို့ ၀တောင်တန်းကို ခွဲခွာပြီး တရုတ်ပြည်သူ့ တပ်မတော် လွတ်မြောက်ရေး တပ်ဖွဲ့ရဲ့ လုပ်ငန်းတွေကို စလုပ်ပေးကတည်းက တယ်ပြီး နှစ်မြို့လှတာ မဟုတ်ဘူး။ ခုဟာက အရင်က လုပ်ကိုင်ပေးတာထက် ပိုပြီး မနှစ်မြို့နိုင်တဲ့ လက်ထပ်ရေး အိမ်ထောင်ရေး မျိုးဆက်အရေးနဲ့လည်း ဆိုင်လာတယ်။ ရှေးထုံးစဉ်လာနဲ့ လားလားမှ မကိုက်ညီတဲ့အတွက် ဟိုဘက်အခက် ဒီဘက်အခက်တွေ စုံလင်နေတဲ့ သပွတ်အူ။ ရှေ့ဆက် ဘယ်လိုတွေများ ဖြစ်ချေမလဲ။
နောက်ပိုင်းရဲ့ ရှေ့တိုးဖြစ်လာချက်တွေက ဇာတ်လမ်း အတော့်ကို ဆန်လာတယ်။ တပ်မှူးလေး ဟွမ်ယွင့်စူးက အသနားခံစာ တစောင်ပြီးတစောင် တင်တယ်။ အခြေအနေကို အစီရင်ခံတယ်။ သူတို့နှစ်ဦး အတူပေါင်းရေးအတွက် အထက်ပါတီ အဖွဲ့အစည်းကို လျှောက်လွှာတွေ တစောင်ပြီး တစောင် တင်တယ်။ ဒါပေမယ့် အခက်အခဲတွေက ရှိမြဲ။ တင်လိုက်တဲ့ လျှောက်လဲချက်တွေထဲမှာ ၀န်ကြီးချုပ် ချူအင်လိုင်းဆီကို တင်တဲ့စာလည်း ပါတယ်။ အချစ်စိတ်တွေ မွန်လွန်းပြီး ခေါင်းဆောင်ကြီး ချူအင်လိုင်းဆီ တင်လိုက်တဲ့ စာဟာ ချစ်သူနှစ်ဦးရဲ့ ဘ၀ ကံကြမ္မာကို ပြောင်းလဲပစ်လိုက်ချေပြီ။ ချူအင်လိုင်းက တပ်စုမှူးလေးရဲ့ အသနားခံ တင်ပြချက်ကို သဘောတူ ခွင့်ပြုလိုက်ပါတယ်။
၁၉၅၆ နှစ်ကုန်ပိုင်းကို ရောက်လာတယ်။ အဲဒီတုန်းက ကာကွယ်ရေး ဦးစီးချုပ် မာရှယ် ဖုန်တက်ဝှိုင် ကိုယ်တိုင် လက်မှတ်ထိုး ခွင့်ပြုလိုက်တယ်။ စစ်မှန်တဲ့ ချစ်မေတ္တာရှင်တွေ ဘ၀ကြင်ဖော်အဖြစ် ပေါင်းသင်းသွားကြလေပြီ။ ၁၉၅၇ မှာ ဟွမ်ယွင့်စူး နဲ့ ဟူကွေ့မိန်တို့မှာ ဟွမ်ဝေ့မိန် ဆိုတဲ့ သားလေးတယောက် ဖွားမြင်ပါတယ်။ စာရေးသူ (သတင်းထောက်)က ဟူကွေ့မိန်ဆီ ဂါရ၀ပြု အလည်သွားတဲ့အခါမှာ ယခင် ၀ မျိုးနွယ်စု ဘုရင့်သမီးတော်လေး ဖြစ်ခဲ့သူက လွန်ခဲ့တဲ့ ၄၇ နှစ်တုန်းက အချိန်ကို လွမ်းဆွတ် တသပြီး သက်ပြင်းရှည်ကြီးတခု ချလိုက်ရင်း စာရေးသူကို ပြောပြပါတယ်။ “အဲ - ဟိုတုန်းက လောင်ဟွမ်နဲ့ သမီးရည်းစား ဖြစ်ရတာလေ ခက်တာမှ တကယ့်ကို ခက်လိုက်တာ သူငယ်တို့ရယ်”
၁၉၆၀ တရုတ်မြန်မာ နှစ်နိုင်ငံ နယ်နိမိတ်မျဉ်းမပိုင်းခြားခင်တုန်းက ကနေ့ မြန်မာနိုင်ငံ ၀ပြည်နယ် နယ်မြေဒေသက တရုတ်ပြည်နယ်ရဲ့ ပိုင်နက်နယ်မြေထဲမှာ ကျရောက်နေပါတယ်။ အခု ၀ပြည်နယ် ညွန့်ပေါင်းပါတီ အထွေထွေ အတွင်းရေးမှူး ကျောက်နီလိုင်ဟာ အဲဒီတုန်းက ဆိုရင် တရုတ်ပြည် ချန်းယွမ်ခရိုင် ကုန်ထုတ်လုပ်ရေး ဌာနတခုက စာရင်းကိုင်လေးပဲ ဖြစ်ပါတယ်။ အခု ၀ပြည်နယ် ညွန့်ပေါင်းတပ်ဖွဲ့ စစ်ဦးစီးချုပ် ပေါင့်ယို့ရှန်လည်း ဟိုးတုန်းက ၀ တိုင်းရင်းသား ၁၈ အုပ်စုထဲက တစုဖြစ်တဲ့ အုပ်စုခေါင်းဆောင်ရဲ့ သားတယောက်ဖြစ်ပါတယ်။
၁၉၆၀ မှာ တရုတ်မြန်မာ နယ်မြေ ပိုင်းခြားပြီးစီးသွားတဲ့နောက် နဂိုမူလက ၀ တိုင်းရင်းသားတွေ နေထိုင်ခဲ့တဲ့ ဒေသက အစိတ်အပိုင်း တပိုင်းဟာ မြန်မာ့ပိုင်နက်ထဲဆီ သွတ်သွင်းလိုက်ပါတယ်။ (ဆွဲထုတ်သွားတဲ့ နဂိုမူလ ၀ ဘုရင် နန်းစိုက်တဲ့ ပန်းဟုန် အခု မြန်မာနိုင်ငံ ၀ပြည်နယ်ရဲ့ မုန်းမောက် ခရိုင်၊ နန်တိတ် အထူးဒေသ ဖြစ်သွားပါတယ်) ဒါပေမယ့် အဲဒီအချိန်က အစပြုပြီး ၀ပြည်နယ် နယ်မြေဒေသက တလျှောက်လုံး တိုင်းရင်းသား ကိုယ်ပိုင် အုပ်ချုပ်ရေး အနေအထားမှာ ရောက်ရှိနေပါပြီ။ ဒီနောက်ပိုင်းမှာ ဗကပ ရဲ့ အချိန်ကို ရောက်လာပြန်တယ်။ အဲဒီအချိန်မှာ မြန်မာအစိုးရက ဒီနေရာကို လုံးဝ စိုးမိုးလို့ မရပါ။ ဗကပ ပြိုကွဲ ပျက်သုဉ်းသွားပြီးတဲ့နောက် ၀ပြည်နယ်မှာ တလျှောက်လုံး တပ်အင်အား သောင်းပေါင်း အသင့်အတင့် ပိုင်ဆိုင်ပါတယ်။ မူးယစ်ဆေးနဲ့ တပ်အင်အားကို ကျွေးမွေးတယ်။ တချို့ အစိတ်အပိုင်းကို ပိုင်းခြားပေးလိုက်တယ်။ တသီးတခြား ၀ပြည်နယ်ကြီး ဘုရင့်နိုင်ငံတော်ကြီး တည်ထောင်လိုတဲ့ ဆန္ဒရှိတယ်။ နောက်ပိုင်း မြန်မာနိုင်ငံနဲ့ ခွဲထွက်ပြီး သီးခြား လွတ်လပ်တဲ့ နိုင်ငံအဖြစ် တည်ထောင်လိုတဲ့ တောင်းဆိုချက်ကို အပေါ်ယံကြော အနေနဲ့ စွန့်လွှတ်လိုက်သလိုမျိုး ရှိနေပါတယ်။
မြန်မာအစိုးရက ၀ပြည်နယ်ကို မြန်မာနိုင်ငံရဲ့ အမှတ် ၂ အထူးဒေသ အုပ်ချုပ်ရေးဒေသရယ်လို့ အသိအမှတ် ပြုထားတယ်။ ဒါတွေက အဆင့်မြင်မားတဲ့ ကိုယ်ပိုင် အုပ်ချုပ်ခွင့်အာဏာကို ရယူလိုက်ပြီး ကျောက်နီလိုင် နဲ့ ပေါင့်ယို့ရှန်တို့ ခေါင်းဆောင် နှစ်ယောက်ကို ဒေသ အုပ်ချုပ်ရေး အထူး အမှုဆောင် နဲ့ ရဲတပ်ဖွဲ့ ဦးစီးမှူး ရာထူးတွေကို ပေးအပ်ထားပါတယ်။ ဘယ်လိုပင် ဘာတွေပဲ ပေးအပ်နှင်းပေမယ့် ၀ပြည်နယ်ဟာ ၀ပြည်နယ်ကြီး ပေါ်ပေါက်ဖို့အရေးကိုတော့ ဘယ်တော့မှ လက်အလွှတ်ခံမှာ မဟုတ်ချေ။
၁၉၉၃ သြဂုတ်လ။ ချွန်ယွမ်ခရိုင် ပြည်သူ့ လုံခြုံရေး ဌာန ဌာနမှူး ဟွမ်ဝေ့မိန်ဟာ အထူး ဖိတ်ကြားချက်အရ ၀ပြည်နယ် အထူးဒေသ ဖွဲ့စည်းတည်ဆောက်တဲ့ အခမ်းအနားကြီးကို တက်ရောက်လာပါတယ်။ ၀ပြည်နယ် အထူးဒေသ အုပ်ချုပ်ရေးနယ်မြေ ဒေသ တည်ထောင်ပြီးတဲ့နောက် ကုလသမဂ္ဂ မူးယစ်ဆေးဝါး တိုက်ဖျက်နှိမ်နင်းရေး ဗျူရို၊ မြန်မာနိုင်ငံ အစိုးရ၊ တရုတ်အစိုးရတို့ရဲ့ ပံ့ပိုး ကူညီမှုတွေကြောင့် ၀ပြည်နယ် မူးယစ်ဆေး တိုက်ဖျက်ရေး လုပ်ငန်းစဉ်ကို စတင် ဆောင်ရွက်နိုင်ပြီးဖြစ်တယ်။ တရုတ်ပြည်ကလည်း မူးယစ်ဆေး တိုက်ဖျက်နှိမ်နင်းရေးအတွက် အစားထိုး သီးနှံ စိုက်ပျိုးရေးမှာ အင်တိုက် အားတိုက် ကူညီဆောင်ရွက်နေပါတယ်။
စာရေးသူ (သတင်းထောက်) တလမ်းလုံး မေးမြန်း ရှာဖွေပါတယ်။ နောက်ဆုံး ရှာတွေ့ပြီး ဟွမ်ဝေ့မိန်နဲ့ တွေ့ဆုံစကားပြောခွင့်တော် ရပါတယ်။ ဟွမ်ဝေ့မိန် တရုတ်ကွန်မြူနစ်ပါတီဝင် ဖြစ်သွားပါတယ်။ ၁၉၉၀ မှာ အသက် ၃၃ နှစ် ပြည့်တော့ ချန်းယွမ်ခရိုင် ပြည်သူ့လုံခြုံရေး ဌာနရဲ့ ဌာနမှူး တာဝန် ထမ်းဆောင်နေပါတယ်။ လိန်ချန်းဒေသ ပြည်သူ့လုံခြုံရေး ဌာန မူးယစ်ဆေးဝါး တိုက်ဖျက်နှိမ်နင်းရေး ဌာနခွဲ ကော်မတီဝင်အဖြစ် ထမ်းဆောင်ပါတယ်။ အခုတော့ လိန်ချန်း ပြည်သူ့လုံခြုံရေး ဌာနရဲ့ ကြီးကြပ် စစ်ဆေးရေး ဌာနမှူး တာဝန်ကို ယူထာပါတယ်။ တရုတ်ပြည်ရဲ့ ပြည်သူလုံခြုံရေး ဌာနမှူးက ၀ လူမျိုးတွေရဲ့ စိတ်ဝမ်း နှလုံးသားထဲမှာ သူတို့ရဲ့ ဘုရင်မျိုးနွယ်ရယ်လို့ သဘောထားကြပါတယ်။ ဘာကြောင့်ဆို ပန်ဟုန် ၀ ဘုရင့် နိုင်ငံတော်ကြီးဟာ လိန်ချန်းဒေသနဲ့ ၀ပြည်နယ် ညွန့်ပေါင်းအစိုးရရဲ့ မုန်းမောက်ခရိုင်၊ နန်းတိန်း အထူးဒေသ တလျှောက်တို့ဟာ အခုဆို နယ်နိမိတ် အပြင်ဘက်က အသက်အရွယ်ကြီးတဲ့ ၀လူမျိုးတွေက ဟွမ်ဝေ့မိန်ကို တွေ့မြင်လိုက်တယ် ဆိုရင်ပဲ ချက်ချင်း မြေပြင်ပေါ် ၀ပ်ချလိုက်ပြီး အရှင်သခင်ကို အရိုအသေ ပေးသလိုမျိုး ရိုကျိုးဝပ်တွကြလေတယ်။ တရုတ်ကွန်မြူနစ်ပါတီဝင် ဖြစ်နေတဲ့ ဟွမ်ဝေ့မိန်ခမြာ သူကြောက်ရွံ့သလို အရိုအသေ ပေးခံရတာမျိုးကို နဖူးတွေ့ ဒူးတွေ့ ရင်ဆိုင်ရလေပြီ။
ဟွမ်ဝေ့မိန် တာဝန်ယူနေတဲ့ လိန်ချန်းခရိုင် နယ်နိမိတ် အတွင်းမှာ မူးယစ်ဆေး ကုန်ပစ္စည်းတွေက ဗုန်းပေါလအော ဗွက်ပေါက်နေပြီး ဖြစ်ပါတယ်။ လိန်ချန်းက မူးယစ်ဆေး နယ်နိမိတ် ဖြတ်သန်းမှု အကြီးထွားဆုံး နေရာ ဖြစ်နှင့်နေပြီးဖြစ်တယ်။ မူးယစ်ဆေး ရင်းမြစ်နဲ့က ရေမြေ တောတောင်က တသားတည်း ဆက်စပ်လို့ နေကြလေတယ်။ သူက နယ်ခြားဒေသ ဆင်းရဲမွဲတေတဲ့ ခရိုင်တွေက ၀င်ငွေ ထွက်ငွေ မမျှတတဲ့ မူးယစ်ဆေး တိုက်ဖျက်နှိမ်နင်းရေး အသုံးစရိတ်တွေ၊ လူအင်အား၊ ပစ္စည်းအင်အားကို - - နေလို့က လုံးဝ ပိတ်ဆို့နိုင်မှာ မဟုတ်တာကို သူ တွေးမိတယ်။ ဒိထက် ပိုကောင်းတဲ့ နည်း ရှိများ ရှိမလား ဆိုတာကို သူ အလေးအနက် တွေးပါတယ်။ ဟွမ်ဝေ့မိန်- - -လိုက်တယ်။ ၀ပြည်နယ် ထိပ်တန်း ခေါင်းဆောင်ပိုင်းတွေထဲက အရေအတွက် တ၀က်ကျော်လောက်က ချန်ယွမ်သားတွေ ဖြစ်တယ်။ ဥပမာ ထောက်ပြရရင် ထိပ်ဆုံးတန်းက ၀ပြည်နယ် ညွန့်ပေါင်း ပါတီ အထွေထွေ အတွင်းရေးမှူးချုပ် ကျောက်နီလိုင်၊ ဒု အတွင်းရေးမှူး ရှောင်းမိန်လျန့်၊ - - အစရှိတဲ့ သူတွေပါပဲ။ ဟွမ်ဝေ့မိန်ဟာ မိမိရဲ့ အသွင်ထူးခြားတဲ့ ဘုရင့် မျိုးတော် အဖြစ်နဲ့ နယ်နိမိတ်ကို အကြိမ်ကြိမ် ဖြတ်ကျော်ပြီး ၀ပြည်နယ် ထိပ်တန်းခေါင်းဆောင်တွေနဲ့ ပူးပေါင်း ဆောင်ရွက်ပါတယ်။ ရှေးဦးဆုံး “ရန်သူ”(မူးယစ်ဆေး) ကို နိုင်ငံတံတိုင်း အပြင်ဘက်မှာ ရှိနေခိုက်မှာပဲ ထိန်းချုပ်တားထားရမယ်။ ပြီး နောက်တဆင့်မှာ - - - ပေါ် မူတည်ပြီး ရှေ့တိုး ဆောင်ရွက်မယ်။ ဒီနည်းနဲ့ မူးယစ် ရင်းမြစ်ကို အမြစ်က လှန်ပစ်ကြရမယ်လို့ တွေးထားပါတယ်။
နှစ်ကာလပေါင်း များစွာ ၀ထိပ်တန်းခေါင်းဆောင်တွေနဲ့ ကူးလူး ဆက်ဆံ ဆောင်ရွက်ရာကနေ ဟွမ်ဝေ့မိန်ဟာ အတွေ့အကြုံ တရပ်ကို သုံးသပ်လို့ ရလိုက်ပါတယ်။ နိဂုံးချုပ် သုံးသပ်ချက်ကတော့ “နည်းနည်းနဲ့ ကျဲကဲဝိုင်း၊ ဖိ-နှိပ် နှိပ်ကွပ်၊ ပူးတွဲ လုပ်ဆောင်။ ဖိ-နှိပ် နှိပ်ကွပ်၊ အကြောင်းပြု + တိုးမြှင့် ပြောင်းလဲမှု ပြု”
တနှစ်တာ ကာလအတွင်းမှာ သူ အကြိမ်ပေါင်း များစွာ နယ်နိမိတ် အပြင်ဘက်ဆီ ထွက်ထွက်သွားပါတယ်။ ထိုနေရာက အုပ်ချုပ်သူတွေနဲ့ မိတ်ဆွေ ဖွဲ့တယ်။ လက်ဆုံ ပြောတယ်။ အခြေအနေကို အမိအရ ဆုပ်ကိုင်တယ်။ အကောင်း အဆိုးတွေကို ထိုးဖောက် မြင်လောက်အောင် လေ့လာထားတယ်။ မူးယစ်ဆေး တိုက်ဖျက် နှိမ်နင်းရေး လုပ်ငန်းကို နိုင်ငံပြင်ပ နယ်နိမိတ်တွေဆီ ထွက်ပြီး လုပ်ကိုင်တယ်။ နောက်ဆုံးမှာ ၀ပြည်နယ် ထိပ်တန်းခေါင်းဆောင်ပိုင်းတွေ အလေးထား ဆွေးနွေးလာကြတယ်။ စည်းဝေးပွဲတွေမှာ ဟွမ်ဝေ့မိန်ရဲ့ “တရုတ်ပြည် မူးယစ်ဆေး တိုက်ဖျက် နှိမ်နင်းရေး အတွေးအခေါ်”ကို အလေးအနက် ဟောပြော ဆွေးနွေးကြတယ်။ ၀ မျိုးနွယ်စု အသီးသီးဟာ ၀မျိုးနွယ်စု အလံတော်ကြီးရဲ့ အောက်မှာ တစိတ်တ၀မ်းတည်း ရှိနေကြပြီး မူးယစ်ဆေး သယ်ဆောင်မှုကို တရုတ်ပြည် နယ်နိမိတ်အတွင်းက ဖြတ်သန်းခြင်း မပြုဖို့ကို တောင်းဆိုသမှု ပြုလိုက်ကြတယ်။
ဟွမ်ဝေ့မိန်ရဲ့ စွမ်းဆောင်ချက်ကြောင့် ၉၀ ခုနှစ် အစဦးပိုင်းတွေမှာ ၀ပြည်နယ်က အထူးအမိန့်တရပ်ကို ဗွေဆော်ဦး ထုတ်ပြန်လိုက်ပါတယ်။ “တရုတ်ပြည်ကို ဖြတ်သန်းပြီး မူးယစ်ဆေး မှောင်ခို သယ်ယူပို့ဆောင်သည့် အချက်ကို ရည်စူးပြီး အတွင်းပိုင်းရဲ့ ပြစ်ဒဏ်ပေးမှု အမိန့်”- တရုတ်ပြည်ဆီ မူးယစ်ဆေး မှောင်ခို သယ်ပို့တာမှာ ဂရမ် ၇၀၀ တမှုလျှင် ထောင်ဒဏ် ၅ နှစ်။ နှစ်မှု ဖမ်းမိလျှင် ထောင်ဒဏ် ၁၀ နှစ်။ ဆယ်မှုအထက် ဖမ်းမိရင် သေဒဏ်။ ၀ပြည်နယ် ခေါင်းဆောင်ပိုင်းတွေက ဒီအမိန့် စာမူကြမ်းကို ရေးဆွဲလိုက်ပါတယ်။ ပြီးတော့ ဟွမ်ဝေ့မိန်ကိုပါ အထူးတလည် ဖိတ်ခေါ်လိုက်ကြတယ်။ အပြန်ပြန် အလှန်လှန် ဆွေးနွေး ညှိနှိုင်းကြတယ်။ နောက်ဆုံးမှာ တရုတ်ဘက်က သက်ဆိုင်ရာ ပုဂ္ဂိုလ်တွေနဲ့ နယ်မြေဖြတ်ကျော် မူးယစ်ဆေး တိုက်ဖျက်မှု “လူကြီးလူကောင်းဆန်တဲ့ သဘောတူညီချက်” ကို ပုဂ္ဂလိကပိုင်းအနေနဲ့ပဲ သဘောတူ ဖြစ်မြောက်သွားရပါတယ်။ (ဘာကြောင့် ဆိုရင် အဲဒီ အချိန်တုန်းက ၀ပြည်နယ်အဖွဲ့ဟာ မြန်မာအစိုးရနဲ့ တရားဝင် အသိအမှတ်ပြု မခံရသေးတာကြောင့် ဖြစ်ပါတယ်)
၁၉၉၄ က အစပြုပြီး ၀ပြည်နယ် မူးယစ်ဆေး ကူးသန်းရောင်းဝယ်ရေး အဖွဲ့တွေ ဖြတ်သန်းရာ လမ်းကြောင်းကို တောင်ဘက်ပိုင်းက ထိုင်းမြန်မာ နယ်နိမိတ်ဘက်ဆီ ပြောင်းရွေ့သွားရလေတယ်။ ချန်းယွမ်ခရိုင် နယ်နိမိတ်ကို ဖြတ်သန်းတဲ့ မူးယစ်ဆေးဝါးတွေ လျော့ပါးသွားပါတယ်။ တနှစ်တနှစ်မှာ ဂရမ် ရာဂဏန်းလေးလောက်ပဲ ရှိပါတော့တယ်။ ထိုစဉ်က ယူနန်ပြည်သူ့လုံခြုံရေးမှူးကြီးရယ် မူးယစ်ဆေးတိုက်ဖျက် နှိမ်နင်းရေး ကော်မတီ တာဝန်ခံ လျိုရွှမ်က ဂုဏ်ယူ ၀င့်ကြွားပြီး ပြောပါသေးတယ် “စံနမူနာ ထားလောက်တဲ့ ချန်းယွမ် မူးယစ်ဆေး တိုက်ဖျက် နှိမ်နင်းမှု” တဲ့။ ယူနန်ပြည်နယ်က နေရာ ဒေသအသီးသီးဟာ ချန်းယွမ်ကို အတုယူကြရမယ်လို့တောင် လှုံ့ဆော်လိုက်ပါသေးတယ်။
ဟွမ်ဝေ့မိန်ရဲ့ ၀ ပြည်နယ် ဒေသရဲ့ တမူ ထူးခြားတဲ့ အထူးဆောင်ရွက်ချက် ထိရောက်မှု တရပ်ကို မူးယစ်ဆေး အမှု တမှုကနေ တွေ့မြင်နိုင်ပါတယ်။ ၁၉၉၅ ခုနှစ်မှာ သူ တခြား တာဝန်ဝတ္တရားနဲ့ ပြောင်းရွှေ့သွားလိုက်ရုံလေးပဲ ရှိပါတယ်။ ချန်းယွမ်ခရိုင်မှာ မူးယစ်ဆေး ပြဿနာရပ်က ချက်ချင်း ခေါင်းထောင်ထလာပါလေရော။ ၁၉၉၆ မေလပိုင်း ကွမ်ကျိုးမှာ ဘိန်းကူးသန်းရောင်းဝယ်မှု တခုက မူးယစ်ဆေး ကီလို ဂရမ် ၅၀၀ ကျော်ကို ဖမ်းဆီး ဖော်ထုတ်လိုက်တယ်။ နောက်ဆုံး စစ်ဆေး တွေ့ရှိချက်က ၀ ပြည်နယ် မူးယစ်ဆေး ကုန်ကူးတဲ့ အဖွဲ့က ချန်းယွမ်ခရိုင်ကို ဖြတ်သန်းပြီး ကွမ်ကျိုးကို မှောင်ခို သယ်ချလာတာပါ တဲ့။ နောက် ထပ်မံပြီး ပြင်းပြင်းထန်ထန် ရိုက်နှက် စစ်ဆေးတာတွေ၊ ပြင်ပနည်းနာတွေနဲ့ ၀င်ရောက် စွက်ဖက် ဆောင်ရွက်တာတွေကြောင့် ချန်းယွမ် မူးယစ်ဆေး နယ်မြေ ဖြတ်ကျော်မှု ပြဿနာဟာ နောက်ထပ် တကြိမ် ဖုံးဖုံး ဖိဖိ ဖြစ်သွားရပြန်လေသတည်း။
x x x x x
No comments:
Post a Comment